Qazaqstanda 2030 jylǵa qarai stipendiia 500 myń teńgeden asýy múmkin. Bul týraly ǵylym jáne joǵary bilim ministriniń mindetin atqarýshy Saiasat Nurbek Tengri Edu-ge bergen suhbatynda aitty, dep habarlaidy dalanews.kz.
Qazaqstanda stýdentter, magistranttar jáne doktoranttardyń shákirtaqysyn aldaǵy bes jylda kezeń-kezeńimen kóterý josparlanyp otyr.
Saiasat Nurbektiń sózinshe, keiingi bes jylda joǵary oqý oryndaryndaǵy stipendiia eki ese ósken. Endi ministrlik 2026-2030 jyldary tólemdi jyl saiyn 15-20 paiyzǵa arttyryp, taǵy eki esege ósirýdi kózdep otyr.
Jospar júzege assa, 2030 jylǵa qarai bakalavriat stýdentteriniń shákirtaqysy 105 myń, pedagogikalyq mamandyqtarda bilim alatyndardyń shákirtaqysy 168 myń, magistranttardyń shákirtaqysy 234 myń, al doktoranttardyń shákirtaqysy 525 myń teńgeden asýy múmkin.
Qazir doktoranttardyń ai saiynǵy shákirtaqysy - 262,5 myń teńge. Degenmen bul - ázirge ministrliktiń jospary, tólem mólsheri resmi túrde bekitilgen joq.
