Búgin Jezqazǵan jáne Sátbaev qalalarynda jańa turǵyn úilerdiń irgetasyn qalaý rásimi ótti. Atalǵan nysandardyń qurylysyn «QazaqStroy» kompaniiasy júzege asyrady, dep habarlaidy dalanews.kz.
Jańa turǵyn úi keshenderi qalalardyń qoldanystaǵy infraqurylymymen úilesimdi yqpaldastyrylyp, irgeles aýmaqtar keshendi túrde abattandyrylady.
Jezqazǵan qalasynda jalpy 240 páterge arnalǵan bes qabatty jeti turǵyn úi salynady. Onyń beseýi eki kireberisti, ekeýi bir kireberisti bolady. Barlyq úiler jertóle bólmelerimen jabdyqtalady.
Sátbaev qalasynda 60 páterli bes qabatty turǵyn úi boi kóteredi. Joba aiasynda aýla aýmaǵyn abattandyrý, balalarǵa arnalǵan oiyn jáne sport alańdaryn, avtoturaqtar men demalys oryndaryn, sondai-aq kógaldandyrylǵan aýmaqtardy uiymdastyrý kózdelgen.
Turǵyn úilerdi jobalaý barysynda qaýipsizdik talaptaryna, energiia tiimdiligine jáne turǵyndar úshin qolaily jaǵdai jasaýǵa erekshe mán berildi.
Jańa nysandardy paidalanýǵa berý 2027 jylǵa josparlanǵan.
