Shýly jol apatyna qatysty sottalýshy Ádilethan Moldahannan zardap shekken tarap ókilderi keshirim bermegen, dep habarlaidy dalanews.kz.
Jýrnalist Rýslan Ótepbaidyń sot ǵimaratynan taratqan aqparatyna sáikes, sot otyrysy aldynda ol jábirlenýshi taraptyń qorǵaýshysynan Uzabaevtar men Shýmaevtar otbasy Ádilethan Moldahandy keshirdi me degen suraq qoiǵan.
«Joq, keshirim bergen joq», – dep jaýap bergen qorǵaýshy.
Sondai-aq qorǵaýshy búgin úkim shyǵýy múmkin be degen suraqqa:
«Ol tek sottyń quzyrynda. Biraq múmkin», – degen.
Keiin Rýslan Ótepbai Ádilethan Moldahanǵa qatysty sot protsesi búgin ótýi tiis bolǵanymen, ózine belgisiz sebeptermen sot otyrysy kelesi kúnge shegerilgenin habarlady.
Eske salaiyq, atyshýly jol-kólik oqiǵasynan keiin qyzmetinen ketken memlekettik qyzmetkerler Uzabaev pen Shýmaevtyń otbasy osy is boiynsha jábirlenýshi tarap retinde tanylǵan.
