Almaty qalalyq politsiia departamenti burynǵy kólik prokýrory Maqsat Dúisenovke izdeý jariialady, dep habarlaidy Dalanews.kz.
Almatyda Qazaqstannyń burynǵy bas kólik prokýrory Maqsat Dúisenovke izdeý jariialandy. Oǵan birneshe ret para alý jáne qylmystyq jolmen tabylǵan aqshany zańdastyrý aiyptary taǵylyp otyr. Bul týraly Almaty prokýratýrasy BES.media saýalyna bergen jaýabynda habarlaǵan.
Qazir Bas prokýratýra Qylmystyq kodekstiń 366-baby, 3-bólimi, 4-tarmaǵy («Memlekettik fýnktsiialardy oryndaýǵa ýákiletti tulǵanyń birneshe ret para alýy») jáne 218-baby, 3-bólimi («Qylmystyq jolmen alynǵan múlikti zańdastyrý») boiynsha qylmystyq isti tergep jatyr.
Maqsat Dúisenov 1973 jyly Ońtústik Qazaqstan oblysynda (qazirgi Túrkistan oblysy) dúniege kelgen. Buǵan deiin Sybailas jemqorlyqqa qarsy qyzmettiń ishki qaýipsizdik basqarmasyn basqarǵan, sondai-aq Ulttyq biýro basshysynyń orynbasary bolǵan. 2018 jyly ol bas kólik prokýrorynyń birinshi orynbasary, keiin Qazaqstan kólik prokýratýrasynyń basshysy qyzmetin atqardy.
