الماتى قالالىق پوليسيا دەپارتامەنتى بۇرىنعى كولىك پروكۋرورى ماقسات دۇيسەنوۆكە ىزدەۋ جاريالادى، دەپ حابارلايدى Dalanews.kz.
الماتىدا قازاقستاننىڭ بۇرىنعى باس كولىك پروكۋرورى ماقسات دۇيسەنوۆكە ىزدەۋ جاريالاندى. وعان بىرنەشە رەت پارا الۋ جانە قىلمىستىق جولمەن تابىلعان اقشانى زاڭداستىرۋ ايىپتارى تاعىلىپ وتىر. بۇل تۋرالى الماتى پروكۋراتۋراسى BES.media ساۋالىنا بەرگەن جاۋابىندا حابارلاعان.
ءقازىر باس پروكۋراتۋرا قىلمىستىق كودەكستىڭ 366-بابى، 3ء-بولىمى، 4-تارماعى («مەملەكەتتىك فۋنكسيالاردى ورىنداۋعا ۋاكىلەتتى تۇلعانىڭ بىرنەشە رەت پارا الۋى») جانە 218-بابى، 3ء-بولىمى («قىلمىستىق جولمەن الىنعان مۇلىكتى زاڭداستىرۋ») بويىنشا قىلمىستىق ءىستى تەرگەپ جاتىر.
ماقسات دۇيسەنوۆ 1973 جىلى وڭتۇستىك قازاقستان وبلىسىندا (قازىرگى تۇركىستان وبلىسى) دۇنيەگە كەلگەن. بۇعان دەيىن سىبايلاس جەمقورلىققا قارسى قىزمەتتىڭ ىشكى قاۋىپسىزدىك باسقارماسىن باسقارعان، سونداي-اق ۇلتتىق بيۋرو باسشىسىنىڭ ورىنباسارى بولعان. 2018 جىلى ول باس كولىك پروكۋرورىنىڭ ءبىرىنشى ورىنباسارى، كەيىن قازاقستان كولىك پروكۋراتۋراسىنىڭ باسشىسى قىزمەتىن اتقاردى.
