Qazaqstannan Reseige bet alǵan “Gazel” kóliginen 34 ushqyshsyz ushý apparaty men bir kvadrokopter tabyldy. Olardy reseilik “Sagarchin” shekara beketi mańynda keden qyzmetiniń mobildi toby anyqtaǵan, dep habarlaidy Dalanews.kz.
RF Federaldyq keden qyzmetiniń málimetinshe, “Gazeldi” tekserý barysynda FPV-drondar tabyldy.
“Olar beineni onlain-rejimde jetkizetin kameralarmen jabdyqtalǵan, bólshektelgen kúide bolǵan. Sondai-aq eki FPV-qanat “Kliých-Fortýna” da anyqtaldy. Al taýarǵa ilespe qujattarda drondar týraly eshqandai málimet kórsetilmegen”, – delingen keden qyzmetiniń habarlamasynda.
Júkti alyp júrgen er adam drondardyń ózine tiesili ekenin aityp, olardy jeke beinetúsirilim úshin paidalanatynyn jetkizgen.
“Aldyn ala saraptama barysynda eki apparattyń júk salmaǵy bes kelige deiin jetetin ushaq tiptes dron ekeni, bireýiniń barlaý maqsatyndaǵy dron ekeni, al jiyntyqtary 32 shaǵyn ushý apparatyn qurastyrýǵa múmkindik beretini jáne olardyń konstrýktsiiasy júk tastaýǵa beiimdelgeni anyqtaldy”, – dep kórsetilgen habarlamada.
Barlyq dron bólshekteri tárkilendi, qazir saraptama taǵaiyndaý máselesi qaralyp jatyr.
Keden qyzmetiniń málimdeýinshe, mundai kólemdegi drondar jeke maqsatqa arnalýy múmkin emes, ári olar azamattardyń ómiri men densaýlyǵyna qaýip tóndiredi.
