Memleket basshysy Halyqaralyq azamattyq aviatsiia uiymy keńesiniń (ICAO) prezidenti Salvatore Shakkitanony qabyldady, - dep habarlaidy Dalanews.kz.
Kezdesý barysynda Qazaqstannyń óńirde táýelsiz Aviatsiia ákimshiligin qurǵan alǵashqy el ekeni atap ótildi. Bul qadam ushý qaýipsizdigine baqylaýdy aitarlyqtai kúsheitýge múmkindik berdi. Byltyrdan beri Monreal qalasynda Qazaqstan Respýblikasynyń ICAO janyndaǵy turaqty ókildiginiń keńsesi jumys istei bastady.
Halyqaralyq áýe tasymaldarynyń geografiiasy keńeiip keledi. Búginde Qazaqstan álemniń 30-dan asa elimen tikelei áýe qatynasyn jolǵa qoidy. Niý-Iork, Tokio jáne Singapýr qalalaryna reister ashý máselesi pysyqtalyp jatyr.
Qazaqstan Prezidenti byltyr Almaty, Shymkent jáne Qyzylorda qalalarynda jańa terminaldar paidalanýǵa berilgenin aitty. Sonyń ishinde Almaty áýejaiynyń ótkizý qabileti alty ese, iaǵni jylyna 2,5 millionnan 14 million jolaýshyǵa deiin ulǵaidy.
Sonymen qatar, Memleket basshysy Qazaqstan men ICAO arasynda qol qoiylatyn azamattyq aviatsiia bas josparynyń mańyzyna toqtaldy. Bul qujat aviatsiia sektoryn uzaqmerzimdi damytý strategiiasy retinde qarastyrylady.
Óz kezeginde ICAO keńesiniń prezidenti elimizdiń azamattyq aviatsiia salasyndaǵy jetistikterimen quttyqtady. Ol Qazaqstanda aviatsiia qarqyndy damyp, ornyqty ósim kórsetip otyrǵanyna jáne naqty qurylymy jasaqtalǵanyna nazar aýdardy.
