مەملەكەت باسشىسى حالىقارالىق ازاماتتىق اۆياتسييا ۇيىمى كەڭەسٸنٸڭ (ICAO) پرەزيدەنتٸ سالۆاتورە شاككيتانونى قابىلدادى, - دەپ حابارلايدى Dalanews.kz.
كەزدەسۋ بارىسىندا قازاقستاننىڭ ٶڭٸردە تەۋەلسٸز اۆياتسييا ەكٸمشٸلٸگٸن قۇرعان العاشقى ەل ەكەنٸ اتاپ ٶتٸلدٸ. بۇل قادام ۇشۋ قاۋٸپسٸزدٸگٸنە باقىلاۋدى ايتارلىقتاي كٷشەيتۋگە مٷمكٸندٸك بەردٸ. بىلتىردان بەرٸ مونرەال قالاسىندا قازاقستان رەسپۋبليكاسىنىڭ ICAO جانىنداعى تۇراقتى ٶكٸلدٸگٸنٸڭ كەڭسەسٸ جۇمىس ٸستەي باستادى.
حالىقارالىق ەۋە تاسىمالدارىنىڭ گەوگرافيياسى كەڭەيٸپ كەلەدٸ. بٷگٸندە قازاقستان ەلەمنٸڭ 30-دان اسا ەلٸمەن تٸكەلەي ەۋە قاتىناسىن جولعا قويدى. نيۋ-يورك, توكيو جەنە سينگاپۋر قالالارىنا رەيستەر اشۋ مەسەلەسٸ پىسىقتالىپ جاتىر.
قازاقستان پرەزيدەنتٸ بىلتىر الماتى, شىمكەنت جەنە قىزىلوردا قالالارىندا جاڭا تەرمينالدار پايدالانۋعا بەرٸلگەنٸن ايتتى. سونىڭ ٸشٸندە الماتى ەۋەجايىنىڭ ٶتكٸزۋ قابٸلەتٸ التى ەسە, ياعني جىلىنا 2,5 ميلليوننان 14 ميلليون جولاۋشىعا دەيٸن ۇلعايدى.
سونىمەن قاتار, مەملەكەت باسشىسى قازاقستان مەن ICAO اراسىندا قول قويىلاتىن ازاماتتىق اۆياتسييا باس جوسپارىنىڭ ماڭىزىنا توقتالدى. بۇل قۇجات اۆياتسييا سەكتورىن ۇزاقمەرزٸمدٸ دامىتۋ ستراتەگيياسى رەتٸندە قاراستىرىلادى.
ٶز كەزەگٸندە ICAO كەڭەسٸنٸڭ پرەزيدەنتٸ ەلٸمٸزدٸڭ ازاماتتىق اۆياتسييا سالاسىنداعى جەتٸستٸكتەرٸمەن قۇتتىقتادى. ول قازاقستاندا اۆياتسييا قارقىندى دامىپ, ورنىقتى ٶسٸم كٶرسەتٸپ وتىرعانىنا جەنە ناقتى قۇرىلىمى جاساقتالعانىنا نازار اۋداردى.
