Qazaqstanda nege qazaqtarda ǵana baspana joq? Jaldamaly páterde, jataqhanalarda nege biryńǵai qazaqtar ǵana turady? Ne úshin jalpy qazaq kedei? Osy saýaldardyń jaýabyn kóp izdedim. Biraq tappadym. Nege ekenin sol sátte Qazaqstannan ketkim keldi.
Keshe bir dosyma osy oiymdy aityp edim, «qaida barasyń?» dedi. Ras-aý, qaida baram? Jaýabyn búgin taptym.
Adam quqy saqtalǵan, kisiniń qadirin biletin, adamnyń eńbegin baǵalaityn elge ketkim keledi. «Ondai memleket bar ma?» dedim ózime ózim suraq qoiyp. Bar eken. Zańy zaiyrly, adamdarynyń júzinen shýaq shashqan, bir-birine kúlip amandasatyn elder kóp eken. Al biz óz-ózimizden sharshap júrmiz. Nege? Qoǵamda nege sharshaý, ashý-yza basym? Kimge ókpelimiz? Kimge yzalanamyz?
Osyndai kezde Qazaqstannan ketip, jurty jumaq, eli erekshe bir memlekettiń qaqpasyn qaqqym keledi.
– Reseige tartyp ketseńshi, – deidi dosym ázildep. Astarynda shyndyq bar. Máskeýdi kórgem joq.
– Reseige bailap tastasa da qalmaspyn, – dedim.
– Onda Qytai, Japon, Korei siiaqty elge kósh, – deidi janashyr kóńilmen.
– Ne qaiyr? – dedim ózine qarap. Onyń da Qazaqstannan ketkisi kelip júr eken.
– Eýropaǵa ketsek qaitedi? – dep shyrt túkirdi.
– Túkirme – dedim, – Eýropaǵa barý úshin úlken mádeniet kerek! (Taýyp aitqan sózim osy boldy-aý deimin).
– Eýropań kóp qoi, naqty qai elge?
– Bilmeimin!
– Maǵan Amerika unap júr.
– Nege?
– Bilmeimin!..
«Otan», «Ana til», «Astana», «Almaty» deimiz. Biraq sonshama súigen otanyńnyń qadirin basqalar kórip, bailyǵyn basqalar jep jatsa, qalai ǵana shetelge ketkiń kelmeidi, á?! Bailary shirigen, kedeii qara sýmen janyn baǵyp otyrǵan elden qalai ǵana sharshamaisyń?! Sheneýnikteri shetelde turatyn, bala-shaǵasy bai elderde ómir súretin, ózi qazaq jeriniń bailyǵyn soryp otyrǵan memleketten qalai ǵana bezbeisiń! Qysqasy, Qazaqstannan ketkim kelip júr, aiyp etpeńizdershi!..
Jaras ShÓKE
