Kezdesýde oblys basshysy A. Batalov Memleket basshysynyń tapsyrmasymen investorlar tartýǵa, sonyń ishinde týrizm salasyn damytýǵa óńirde erekshe nazar aýdarylyp otyrǵanyn aitty.
– Ótken jyldyń qorytyndysy boiynsha jalpy óndiristegi shaǵyn jáne orta biznestiń úlesi 43 %-ke jetti. Biylǵy jyly oblys boiynsha shaǵyn jáne orta biznestiń 100 nysanyn ashqaly otyrmyz. Olardyń ishinde tek shaǵyn kásiporyndar ǵana emes, sonymen qatar qyzmet kórsetý, iaǵni týristik nysandar da bar. Máselen, biylǵy jyly óńirde 25 myń jańa jumys ornyn ashý kózdelse, sonyń 12 myńy shaǵyn jáne orta biznestiń úlesinde bolady, – dedi A. Batalov.
Oblys basshysy, sonymen qatar týrizmdi damytý úshin infraqurylymdy jaqsartýdyń, týristik nysandarǵa aparatyn joldardy jóndeýdiń úlken áser etetinin tilge tiek etti. «Memleket qoldaýynyń arqasynda joldardy kúrdeli jóndeý boiynsha aýqymdy jumystar atqaryldy. Biylǵy jyly Úsharal – Dostyq jolynyń kúrdeli jóndeýi bastalýy tiis. Bul óz kezeginde Alakólge baratyndarǵa qolaily jaǵdai týǵyzbaq. Balqash kóline aparatyn 140 shaqyrym jol da jóndeledi. Sonymen qatar Kólsai kólderine deiingi jol jasalyp, biylǵy jyly jergilikti biýdjet esebinen Sharyn shatqalynyń 11 shaqyrymy jóndeledi dep josparlanǵan, - dedi A. Batalov.
Kezdesýde sóz alǵan «Kazakh Tourism» Ulttyq kompaniiasy» AQ basqarma tóraǵasy Rashid Kúzembaev týristerge kórsetiletin qyzmet pen usynalatyn taýarlar keshenin qalyptastyrý men ilgeriletý, investorlar tartý, týrbizneske qolaily jaǵdai jasaý máseleleri jóninde yntymaqtastyq ornatýdyń mańyzy zor ekenin atap ótti.
Óz kezeginde oblystyq týrizm basqarmasynyń basshysy Janar Alchimbaeva «Almaty oblysynyń 2018-2020 jyldarǵa arnalǵan Jol kartasyn» tanystyrdy.
J. Alchimbaevanyń aitýynsha, 2017 jyldyń qorytyndysy boiynsha Almaty oblysynda 1,6 mln. týriske qyzmet kórsetilip, sońǵy úsh jylda týrister legi 77 % -ke ulǵaiǵan. Kórsetilgen qyzmet aýqymy 8,3 mlrd. teńgeni qurap, 2015 jylmen salystyrǵanda 2 esege ósipti. Bul oraida kórsetilgen qyzmet kólemi jaǵynan oblys Astana men Almaty qalalarynan keiingi úshinshi orynda tur. Iaǵni respýblika boiynsha kórsetilgen qyzmet aýqymyndaǵy úlesi – 8 %. Kelýshiler sany jaǵynan da oblys alǵashqy úshtikte. Elimizge demalýǵa kelgen saiahatshylardyń 15 %-i Jetisý jerine taban tireidi eken.
Janar Alchimbaeva óńirge týrister tartý maqsatynda ótkiziletin iri sharalardy da atap ótti. Olardyń qatarynda Sivers almasynyń gúldeýine arnalǵan asa aýqymdy joba da bar.
Almaty oblysynyń týristik áleýetin keshendi damytý jóninde «Rakurs Consulting Group» kompaniiasynyń basqarýshy seriktesi Dosym Qadyrbaev aityp berdi.
Prezentatsiiamen tanysqan qatysýshylar Jetisýdaǵy týrizmdi damytý múmkindikteri týraly pikir almasty. Sporttyq jáne jartylai sporttyq týrizmniń túrlerin, sonyń ishinde búgingi kúni tanymal bola bastaǵan maýntinbaikti damytý týraly oi qozǵaldy. Investorlar oblysta kóptegen qyzǵylyqty kásiporyndardyń, fermalar men baq sharýashylyqtarynyń bolýy, sol siiaqty avtokemping pen gastronomdyq týrlardyń kóptegen múmkindikterine ie ekendigiagrarlyq týrizmdi ilgeriletýge jol ashatynyn jetkizdi.
Kezdesý sońynda týrbiznes ókilderi Jetisý aimaǵynyń týrizmdi damytýǵa qolailylyǵyn biraýyzdan qoldai kele, jergilikti atqarýshy organmen birlesip, ishki týrizmniń barlyq baǵyttaryn damytýǵa atsalysatyndaryn aitty.
– Memleket basshysy týristik indýstriia el ekonomikasynyń basym salasynyń biri bolýy qajettigin mindettedi. Bul rette Jetisý óńiriniń tabiǵaty keremet, eshqai óńirge uqsamaityn óz ereksheligi bar. Sondyqtan biz kórikti jerlerimizdiń kóptigin tiimdi padalanyp, týrizmdi damytýǵa suranyp turǵan nysandarǵa áleýetti investorlar tarta bilýimiz kerek. Búgingi kezdesýde oblys ákimdigi, «Kazakh Tourism» Ulttyq kompaniiasy» AQ jáne Almaty óńiri týristik klasteriniń «Almaty Taý» qaýymdastyǵy qol qoiǵan ózara yntymaqtastyq týraly memorandýmy alǵa qoiǵan maqsattarymyzǵa jetýge yqpal etedi dep senemin, – dedi A. Batalov qorytyndy sózinde.
Almaty oblysy ákiminiń baspasóz qyzmeti.
https://dalanews.kz/32038
