Túrkiiada satylymǵa shyǵarylǵan nysandar sany ótken jylmen salystyrǵanda birden 129%-ǵa artqan. Bul týraly Túrkiia parlamentindegi oppozitsiialyq Respýblikalyq halyq partiiasynyń depýtaty Seda Kaia Ósen málimdedi, dep habarlaidy dalanews.kz túriktiń Turizm Ajansi basylymyna silteme jasap.
Depýtattyń aitýynsha, tek ótken jyldyń ózinde 4 myńnan astam qonaqúi jumysyn toqtatqan. Sonymen qatar shamamen 1 500 týristik nysan satylymǵa qoiylǵan. Buǵan shyǵyndardyń kúrt ósýi, joǵary infliatsiia, salyq júktemesiniń artýy jáne valiýta saiasatyna qatysty máseleler sebep bolǵan.
Túrkiia statistika institýty (TÜİK) men salalyq sarapshylardyń derekteri de saladaǵy teńgerimsizdikti rastaǵan. Málimetke sáikes, qonaqúi biznesiniń operatsiialyq shyǵyndary bir jyl ishinde 61,5%-ǵa ósken, al shetel valiýtasynyń baǵamy nebári 19%-ǵa ǵana kóterilgen. Sonyń saldarynan, ásirese orta segmenttegi qonaqúiler tabystylyq shegine jaqyndaǵan.
Seda Kaia Ósen resmi esepterde týrister aǵyny kóbeidi dep kórsetilgenimen, qonaqúilerdiń naqty tolý deńgeii tómendep jatqanyn aitty. Onyń sózinshe, bul kórsetkish 2024 jylǵy 51,9%-dan 2025 jyly 49,5%-ǵa deiin azaiǵan.
Kóptegen qonaqúi ieleri pandemiia kezinen qalǵan qaryzdar, qyzmetkerlerge ketetin shyǵyndar, elektr energiiasy men salyq tólemderiniń ósýi saldarynan nysandaryn shuǵyl satýǵa májbúr. Budan bólek, Túrkiianyń áleýmettik saqtandyrý qory (SGK) men salyq organdary tarapynan múlikti buǵattaý qaýpi de jaǵdaidy ýshyqtyryp otyr.
Saladaǵy qiyndyqtarǵa óńirlik qaqtyǵystar da áser etken. Olar brondardyń jappai toqtatylýyna sebep bolyp, qonaqúilerdi sońǵy sátte oryndaryn arzandatylǵan «janyp turǵan joldamalarmen» satýǵa itermelep jatyr.
