تٷركييادا ساتىلىمعا شىعارىلعان نىساندار سانى ٶتكەن جىلمەن سالىستىرعاندا بٸردەن 129%-عا ارتقان. بۇل تۋرالى تٷركييا پارلامەنتٸندەگٸ وپپوزيتسييالىق رەسپۋبليكالىق حالىق پارتيياسىنىڭ دەپۋتاتى سەدا كايا ٶسەن مەلٸمدەدٸ, دەپ حابارلايدى dalanews.kz تٷرٸكتٸڭ Turizm Ajansi باسىلىمىنا سٸلتەمە جاساپ.
دەپۋتاتتىڭ ايتۋىنشا, تەك ٶتكەن جىلدىڭ ٶزٸندە 4 مىڭنان استام قوناقٷي جۇمىسىن توقتاتقان. سونىمەن قاتار شامامەن 1 500 تۋريستٸك نىسان ساتىلىمعا قويىلعان. بۇعان شىعىنداردىڭ كٷرت ٶسۋٸ, جوعارى ينفلياتسييا, سالىق جٷكتەمەسٸنٸڭ ارتۋى جەنە ۆاليۋتا ساياساتىنا قاتىستى مەسەلەلەر سەبەپ بولعان.
تٷركييا ستاتيستيكا ينستيتۋتى (TÜİK) مەن سالالىق ساراپشىلاردىڭ دەرەكتەرٸ دە سالاداعى تەڭگەرٸمسٸزدٸكتٸ راستاعان. مەلٸمەتكە سەيكەس, قوناقٷي بيزنەسٸنٸڭ وپەراتسييالىق شىعىندارى بٸر جىل ٸشٸندە 61,5%-عا ٶسكەن, ال شەتەل ۆاليۋتاسىنىڭ باعامى نەبەرٸ 19%-عا عانا كٶتەرٸلگەن. سونىڭ سالدارىنان, ەسٸرەسە ورتا سەگمەنتتەگٸ قوناقٷيلەر تابىستىلىق شەگٸنە جاقىنداعان.
سەدا كايا ٶسەن رەسمي ەسەپتەردە تۋريستەر اعىنى كٶبەيدٸ دەپ كٶرسەتٸلگەنٸمەن, قوناقٷيلەردٸڭ ناقتى تولۋ دەڭگەيٸ تٶمەندەپ جاتقانىن ايتتى. ونىڭ سٶزٸنشە, بۇل كٶرسەتكٸش 2024 جىلعى 51,9%-دان 2025 جىلى 49,5%-عا دەيٸن ازايعان.
كٶپتەگەن قوناقٷي يەلەرٸ پاندەمييا كەزٸنەن قالعان قارىزدار, قىزمەتكەرلەرگە كەتەتٸن شىعىندار, ەلەكتر ەنەرگيياسى مەن سالىق تٶلەمدەرٸنٸڭ ٶسۋٸ سالدارىنان نىساندارىن شۇعىل ساتۋعا مەجبٷر. بۇدان بٶلەك, تٷركييانىڭ ەلەۋمەتتٸك ساقتاندىرۋ قورى (SGK) مەن سالىق ورگاندارى تاراپىنان مٷلٸكتٸ بۇعاتتاۋ قاۋپٸ دە جاعدايدى ۋشىقتىرىپ وتىر.
سالاداعى قيىندىقتارعا ٶڭٸرلٸك قاقتىعىستار دا ەسەر ەتكەن. ولار برونداردىڭ جاپپاي توقتاتىلۋىنا سەبەپ بولىپ, قوناقٷيلەردٸ سوڭعى سەتتە ورىندارىن ارزانداتىلعان «جانىپ تۇرعان جولدامالارمەن» ساتۋعا يتەرمەلەپ جاتىر.
