Belarýs astanasy Minskide jol politsiiasy áleýmettik jelidegi shaǵymdardan keiin Qazaqstan azamatshasyn ákimshilik jaýapkershilikke tartty, dep habarlaidy dalanews.kz.
Oqiǵaǵa áleýmettik jelilerde taraǵan kadrlar sebep bolǵan. Jeli qoldanýshylary qazaqstandyq nómir taqqan jol talǵamaityn kóliktiń metronyń «Akademiia naýk» stantsiiasy mańyndaǵy kitap dúkeniniń janynda trotýarǵa qoiylǵanyna nazar aýdarǵan.
Kýágerlerdiń aitýynsha, keiin júrgizýshi kólikti trotýarmen júrgizip ketken.
Minsk memlekettik avtoinspektsiiasynyń málimetinshe, tártip saqshylary júrgizýshiniń jeke basyn jedel anyqtaǵan. Ol 32 jastaǵy Qazaqstan azamaty bolyp shyqqan.
Politsiia tek trotýardaǵy turaqpen shektelmei, osy kóliktiń saýda ortalyǵy janyndaǵy múmkindigi shekteýli jandarǵa arnalǵan orynǵa da qoiylǵany týraly aqparat alǵan.
Sonymen qatar taǵy bir quqyq buzýshylyq anyqtalǵan.
«Áiel kólik qozǵalysy kezinde eki jasar balany aldyńǵy jolaýshylar oryndyǵynda arnaiy balalarǵa arnalǵan qurylǵysyz tasymaldaǵan», – dep habarlady Minsk memlekettik avtoinspektsiiasy.
Atalǵan quqyq buzýshylyqtar úshin áiel ákimshilik jaýapkershilikke tartyldy.
