Qazaqstanda kiberqaýipterdiń kúsheiýine bailanysty jeke derekterdi qorǵaý sharalary kúsheitiledi, dep habarlaidy Dalanews.kz.
Bul týraly Premer-ministr Oljas Bektenovtiń tóraǵalyǵymen ótken quqyq buzýshylyqtardyń aldyn alý jónindegi komissiia otyrysynda vitse-premer, tsifrlyq damý ministri Jaslan Madiev málimdedi.
Jańa talaptarǵa sáikes, derektermen jumys isteý erejeleri qatańdaidy. Aqparatty saqtaý merzimi men óńdeý tártibi naqty belgilengen. Sonymen qatar eGov Mobile qosymshasynda jeke derekterdi paidalanýǵa berilgen kelisimdi qaitaryp alý múmkindigi paida boldy. Qazir tiisti zańǵa ózgerister ázirlenip jatyr.
Jaslan Madievtiń aitýynsha, derbes derekter operatorlarynyń tizilimi qurylyp, azamattardy derekterdiń taralýy týraly mindetti túrde habarlaý normasy engiziledi. Budan bólek, derekterdiń jappai taralýyna jol bergenderge qylmystyq jaýapkershilik qarastyrylady.
