Ishki ister ministrligi alaiaqtar qandai ádister arqyly tabys taýyp júrgenin aitty, - dep habarlaidy Dalanews.kz.
IIM kriminaldyq politsiia departamentiniń bastyǵy Qanat Nurmaǵambetovtiń sózinshe, aqparattyq tehnologiialar men onlain-qyzmetterdiń damýymen internette aqparat qoljetimdi. Bul internettegi alaiaqtyqqa ákelýde. Sońǵy jyldary bul jii jasalatyn qylmysqa ainaldy.
Mysaly, Qostanaidyń 24 jastaǵy turǵyny DarkNet pen Telegram arqyly internet-alaiaqtyq jasaǵan. Ol qazaqstandyqtar týraly derekterdi 5 myń teńgeden bastap satqan. Qaskói 1,5 mln teńgeden astam tabys tapqany anyqtaldy. Er adam "kardingpen", iaǵni bank kartalarynyń derektemelerin urlap jáne olardy qaita satýmen, sondai-aq aqshaǵa kompiýterlik virýstardy taratýdy úiretýmen ainalysqan. Qazir figýrant ustalyp, sottaldy.
"Shymkentte alaiaq Instagram paraqshanyń dýblikatyn jasap, balalardyń emine aqsha jinaý arqyly adamdardy aldaǵan. Osylaisha, ol 32 mln teńge jinaǵan. Alaiaq ustaldy. Qamaýda", – dedi Qanat Nurmaǵambetov.
Vedomstvo kiberqylmystarǵa qarsy kúresti júieli túrde júrgizedi. Sáýir aiynda Ýkrainanyń Odessa jáne Zaporoje qalalarynda ótken halyqaralyq arnaiy operatsiia barysynda bes alaiaqtyq call-ortalyq joiyldy. Qaskúnemder qazaqstandyq azamattarǵa qatysty qylmys jasaǵan. 30-dan astam kúdikti ustaldy, qajetti is-sharalar júrgizilip jatyr.
Qyrkúiek aiynda jedel is-sharalardy ótkizý kezinde Almaty qalasynda tórt call-ortalyq joiylyp, 47 sheteldik ustaldy. Olar shet memleketterdiń azamattaryna qatysty alaiaqtyqpen ainalysqan. Tergeý sharalary júrgizilip, tárkilengen tehnika tekserilip jatyr.
"Politsiia azamattardy saq bolýǵa shaqyrady. Bul baǵyttaǵy jumys jalǵasyp jatyr", – dedi politsiia polkovnigi.
