ٸشكٸ ٸستەر مينيسترلٸگٸ الاياقتار قانداي ەدٸستەر ارقىلى تابىس تاۋىپ جٷرگەنٸن ايتتى, - دەپ حابارلايدى Dalanews.kz.
ٸٸم كريمينالدىق پوليتسييا دەپارتامەنتٸنٸڭ باستىعى قانات نۇرماعامبەتوۆتٸڭ سٶزٸنشە, اقپاراتتىق تەحنولوگييالار مەن ونلاين-قىزمەتتەردٸڭ دامۋىمەن ينتەرنەتتە اقپارات قولجەتٸمدٸ. بۇل ينتەرنەتتەگٸ الاياقتىققا ەكەلۋدە. سوڭعى جىلدارى بۇل جيٸ جاسالاتىن قىلمىسقا اينالدى.
مىسالى, قوستانايدىڭ 24 جاستاعى تۇرعىنى DarkNet پەن Telegram ارقىلى ينتەرنەت-الاياقتىق جاساعان. ول قازاقستاندىقتار تۋرالى دەرەكتەردٸ 5 مىڭ تەڭگەدەن باستاپ ساتقان. قاسكٶي 1,5 ملن تەڭگەدەن استام تابىس تاپقانى انىقتالدى. ەر ادام "كاردينگپەن", ياعني بانك كارتالارىنىڭ دەرەكتەمەلەرٸن ۇرلاپ جەنە ولاردى قايتا ساتۋمەن, سونداي-اق اقشاعا كومپيۋتەرلٸك ۆيرۋستاردى تاراتۋدى ٷيرەتۋمەن اينالىسقان. قازٸر فيگۋرانت ۇستالىپ, سوتتالدى.
"شىمكەنتتە الاياق Instagram پاراقشانىڭ دۋبليكاتىن جاساپ, بالالاردىڭ ەمٸنە اقشا جيناۋ ارقىلى ادامداردى الداعان. وسىلايشا, ول 32 ملن تەڭگە جيناعان. الاياق ۇستالدى. قاماۋدا", – دەدٸ قانات نۇرماعامبەتوۆ.
ۆەدومستۆو كيبەرقىلمىستارعا قارسى كٷرەستٸ جٷيەلٸ تٷردە جٷرگٸزەدٸ. سەۋٸر ايىندا ۋكراينانىڭ ودەسسا جەنە زاپوروجە قالالارىندا ٶتكەن حالىقارالىق ارنايى وپەراتسييا بارىسىندا بەس الاياقتىق call-ورتالىق جويىلدى. قاسكٷنەمدەر قازاقستاندىق ازاماتتارعا قاتىستى قىلمىس جاساعان. 30-دان استام كٷدٸكتٸ ۇستالدى, قاجەتتٸ ٸس-شارالار جٷرگٸزٸلٸپ جاتىر.
قىركٷيەك ايىندا جەدەل ٸس-شارالاردى ٶتكٸزۋ كەزٸندە الماتى قالاسىندا تٶرت call-ورتالىق جويىلىپ, 47 شەتەلدٸك ۇستالدى. ولار شەت مەملەكەتتەردٸڭ ازاماتتارىنا قاتىستى الاياقتىقپەن اينالىسقان. تەرگەۋ شارالارى جٷرگٸزٸلٸپ, تەركٸلەنگەن تەحنيكا تەكسەرٸلٸپ جاتىر.
"پوليتسييا ازاماتتاردى ساق بولۋعا شاقىرادى. بۇل باعىتتاعى جۇمىس جالعاسىپ جاتىر", – دەدٸ پوليتسييا پولكوۆنيگٸ.
