Qazaqstanda kóptegen otbasylar qarjylyq máselelerdi sheshý úshin nesie alýǵa májbúr bolady. Keide osyndai jaǵdailarda adam eriksiz qaryzǵa batady. Eger ai saiynǵy tólem otbasynyń jalpy tabysynan asyp ketse, ne isteý kerek? Bul suraqqa «Qaryzsyz qoǵam» uiymynyń zańgeri jaýap berdi,– dep habarlaidy Dalanews.kz
Almaty oblysynan shyqqan erli-zaiyptylar úi salý úshin bes bank pen MQU-dan 22 million teńgeden astam qaryz alǵan. Sol sebepti ár ai saiyn olar shamamen 1 million teńge tóleýge májbúr boldy, bul otbasy úshin úlken qarjylyq júkteme.
Áieli 160 myń teńge jalaqy alsa, kúieýi turaqty tabysqa ie bolmai, ýaqytsha jumys istep júr. Qiyn jaǵdaiǵa tap bolǵan jup «Qaryzsyz qoǵam» zańgerlerine júgindi.
Zańgerler qaryzdardy restrýktýrizatsiialaý boiynsha birneshe ret bas tartylǵan ótinishti júzege asyryp, ai saiynǵy tólemdi 550 myń teńgege deiin azaitty. Osylaisha, erli-zaiyptylar úsh MQU qaryzyn merziminen buryn ótei aldy.
Joba zańgerleri taǵy bir kúrdeli jaǵdaida tabysqa jetti. Kópbalaly áke men áieli tutqyndalǵan shottary saldarynan jumysqa ornalasa almai, tek járdemaqy men mekenjai boiynsha kómekpen ómir súrip jatty.
Nelikten olardyń shottary buǵattaldy? Sebebi, er adamda 1 584 238,33 teńge somasynda 6 qaryz bolǵan, al merzimi ótip ketken kúnder sany 1252 kúndi quraǵan. Onyń qatysyna oryndaýshy óndiris qozǵalǵan.
Zańgerler buǵattaýdy alyp tastaý jáne qaryzdardy restrýktýrizatsiialaý boiynsha jumys bastaǵan. Nátijesinde qaryzdyń bir bóligi joiylyp, ai saiynǵy tólem 18 myń teńgege deiin tómendedi. Sonymen qatar, er adam «Qaryzsyz qoǵam» qarjylyq saýattylyq kýrsyn ótken.
Aita keteiik, «Qaryzsyz qoǵam» jobasy aiasynda Qazaqstan azamattary problemaly nesieler boiynsha tegin zańgerlik keńes ala alady jáne qarjylyq saýattylyq sabaqtaryna qatysa alady. Barlyq aqparat Qogamfin.kz saitynda qoljetimdi.
