Qazaqstandyqtar dári-dármekke artyq aqsha tóleidi. Bul týraly Básekelestikti qorǵaý jáne damytý agenttigi málimdedi, dep habarlaidy Dalanews.kz.
Agenttik málimetinshe, Qazaqstanda óndirilgen keibir preparattar sheteldik jetekshi óndirýshilerdiń balamaly preparattarynan 2–3 ese qymbat, al KTMQK men MÁMS aiasynda satyp alynǵan preparattar memleketke kóterme jáne bólshek naryqtaǵy baǵadan joǵary túsken.
"Satyp alynatyn dáriler men meditsinalyq buiymdardyń kóleminiń keminde 45%-y "SK-Farmatsiia" JShS tarapynan tikelei óndirýshilerden emes, otandyq distribiýtorlardan ("Medservis Pliýs KFK" JShS, "Aqniet" JShS, "Stofarm" JShS, Knyaz Pharma ltd, "R-Farm Qazaqstan" JShS, "Swixx Biopharma" JShS, "Novo Nordiks Qazaqstan" JShS, "Inkar" JShS, "Takeda Qazaqstan" JShS, "OAD-27" JShS) satyp alynyp jatyr. Mundai fýnktsiialardy úshinshi tulǵalarǵa berý qymbatshylyq táýekelderin týdyrady", - dedi agenttik ókilderi.
Osy baǵyttaǵy máselelerdi sheshý úshin agenttik Densaýlyq saqtaý ministrligine birqatar usynys joldaǵan. Olardyń ishinde baǵa belgileý normalaryn qaita qaraý jáne eń joǵary baǵalardy baǵdar retinde qoldanýdan bas tartý, inspektsiia qyzmetin memlekettik monopoliiaǵa engizý, taýarlardy tikelei óndirýshilerden satyp alý úlesin arttyrý, jetkizýshiler men óndirýshilermen uzaq merzimdi sharttar jasasý kezinde shyǵyndardy belgileý jáne saraptaý bar.
