قازاقستاندىقتار دەرٸ-دەرمەككە ارتىق اقشا تٶلەيدٸ. بۇل تۋرالى بەسەكەلەستٸكتٸ قورعاۋ جەنە دامىتۋ اگەنتتٸگٸ مەلٸمدەدٸ, دەپ حابارلايدى Dalanews.kz.
اگەنتتٸك مەلٸمەتٸنشە, قازاقستاندا ٶندٸرٸلگەن كەيبٸر پرەپاراتتار شەتەلدٸك جەتەكشٸ ٶندٸرۋشٸلەردٸڭ بالامالى پرەپاراتتارىنان 2–3 ەسە قىمبات, ال كتمقك مەن مەمس اياسىندا ساتىپ الىنعان پرەپاراتتار مەملەكەتكە كٶتەرمە جەنە بٶلشەك نارىقتاعى باعادان جوعارى تٷسكەن.
"ساتىپ الىناتىن دەرٸلەر مەن مەديتسينالىق بۇيىمداردىڭ كٶلەمٸنٸڭ كەمٸندە 45%-ى "سك-فارماتسييا" جشس تاراپىنان تٸكەلەي ٶندٸرۋشٸلەردەن ەمەس, وتاندىق ديستريبيۋتورلاردان ("مەدسەرۆيس پليۋس كفك" جشس, "اقنيەت" جشس, "ستوفارم" جشس, Knyaz Pharma ltd, "ر-فارم قازاقستان" جشس, "Swixx Biopharma" جشس, "نوۆو نورديكس قازاقستان" جشس, "Inkar" جشس, "تاكەدا قازاقستان" جشس, "واد-27" جشس) ساتىپ الىنىپ جاتىر. مۇنداي فۋنكتسييالاردى ٷشٸنشٸ تۇلعالارعا بەرۋ قىمباتشىلىق تەۋەكەلدەرٸن تۋدىرادى", - دەدٸ اگەنتتٸك ٶكٸلدەرٸ.
وسى باعىتتاعى مەسەلەلەردٸ شەشۋ ٷشٸن اگەنتتٸك دەنساۋلىق ساقتاۋ مينيسترلٸگٸنە بٸرقاتار ۇسىنىس جولداعان. ولاردىڭ ٸشٸندە باعا بەلگٸلەۋ نورمالارىن قايتا قاراۋ جەنە ەڭ جوعارى باعالاردى باعدار رەتٸندە قولدانۋدان باس تارتۋ, ينسپەكتسييا قىزمەتٸن مەملەكەتتٸك مونوپوليياعا ەنگٸزۋ, تاۋارلاردى تٸكەلەي ٶندٸرۋشٸلەردەن ساتىپ الۋ ٷلەسٸن ارتتىرۋ, جەتكٸزۋشٸلەر مەن ٶندٸرۋشٸلەرمەن ۇزاق مەرزٸمدٸ شارتتار جاساسۋ كەزٸندە شىعىنداردى بەلگٸلەۋ جەنە ساراپتاۋ بار.
