Qazaqstandyq ýniversitet – Maqsut Narikbayev University – reseilik saiasattanýshy Ekaterina Shýlmanmen yntymaqtastyqty toqtatqanyn málimdedi, dep habarlaidy Dalanews.kz.
“Ekaterina Shýlman ótken akademiialyq jyldan bastap Maqsut Narikbayev University-diń qyzmettegi Assotsiat-professory bolyp tabylmaidy. Onymen jasalǵan eńbek sharty 2024 jyly 1 tamyzda buzyldy”, – dep habarlady ýniversitet redaktsiiasy QazTAG agenttigine.
Buǵan deiin Shýlmannyń Resei quqyq qorǵaý organdarynyń izdeýinde ekeni belgili bolǵan edi.
Saiasattanýshynyń fotosýreti bar izdeý kartochkasy Resei Ishki ister ministrliginiń derekqorynda paida boldy.
Shýlman 2023 jyldyń qańtarynan bastap Astanadaǵy M. Naryqbaev atyndaǵy ýniversitettiń (QazGIýÝ) assotsiat-professory bolyp, onda saiasattaný páninen dáris oqydy. Sonymen qatar ol Berlindegi Karnegi Resei jáne Eýraziiany zertteý ortalyǵynyń shaqyrylǵan ǵylymi qyzmetkeri. Sondai-aq Berlin erkin ýniversitetiniń Shyǵys Eýropany zertteý institýtynda saiasattaný páninen sabaq beredi.
Reseide Shýlmanǵa “sheteldik agentter” týraly zańdy buzý jáne “qajetsiz uiym” qyzmetine qatysý aiyby taǵylyp otyr.
