Byltyrǵy jyldyń jazynda bizdiń qoǵam eleýsiz qaldyrǵan, biraq bárimiz úshin óte mańyzdy jańalyq shyqqan edi. Osyny men de kópten beri jazaiyn dep júrgenmin. Qazaqstan resmi túrde OESR-diń statistika boiynsha Keńesiniń usynymyna qosyldy. Osylaisha Qazaqstan TMD men Ortalyq Aziiada bul standartqa ótken alǵashqy el atandy. Demek, bizdiń statistikamyzǵa endi búkil álem senetin bolady. Bul týraly sarapshy Aibar Oljaev jazdy, dep habarlaidy Dalanews.kz.
Bul kádimgi problema. Mysaly, artta qalǵan, diktatýra ornaǵan kóptegen elderdiń statistikasyna halyqaralyq qaýymdastyq senbeidi. Sebebi olar qoldan jasalýy múmkin. Onyń shynaiy ekendigine kim kepildik beredi? Al senimdi, shynaiy statistika investorlar úshin asa mańyzdy.
OESR-diń statistika jónindegi usynymy 12 printsipten turady. Onyń ishinde kásibi táýelsizdik, derekterdiń sapasy, ashyqtyq, halyqaralyq úilesim syndy baptar bar. Qazaqstan osy talaptarǵa sáikestigin 2023-2025 jyldary ótken aýqymdy sholýda dáleldedi. Bul statistika salasyndaǵy «ISO sertifikaty» siiaqty. Endi bizdiń statistika halyqaralyq turǵyda sertifikattaldy.
Qazir TMD elderiniń statistika júiesin shartty túrde úsh topqa bólýge bolady. Birinshisi - saiasi yqpal joǵary top. Mundaǵy derekke senim tómen. Mysaly, Resei. Olar statistikany burmalaý arqyly ózderiniń saiasi oiyndaryn júrgizedi. Ekinshi sanat - tehnikalyq artta qalǵan top. Iaǵni sanaqtary eski, bazasy álsiz. Oǵan Túrkimenstan, Tájikstan syndy elder jatady. Úshinshisi - halyqaralyq standartqa ótken, statistikasy ashyq ári tekseriletin kategoriia. Bul topta tek qana Qazaqstan ǵana bar.
Qazir bizdiń ulttyq esep júiesi tolyqtai United Nations SNA-2008 standarttarymen jasalady. Ol óz kezeginde sýverendi bondtardy tartý stavkasyna, CDS spredterine, tikelei investitsiialyq sheshimderge jaqsy áser etedi. Qazaqstan derekteri endi Halyqaralyq valiýta qory, Dúniejúzilik bank, OESR bazalarymen tolyq sáikestengen. Biz álemde osy qatarda turǵan 44-shi el bolyp sanalamyz.
Bir sózben aitqanda bizde endi bilik statistikany burmalap, ótirik aitqysy kelse de ony istei almaidy. Sol sebepti bul óte jaqsy jańalyq.
