Joba QR Aqparat jáne qoǵamdyq damý ministrliginiń tapsyrysy boiynsha ázirlendi.
ZOOM platformasynda onlain jáne gibridti formatta ótken sharaǵa QR Parlament depýtattary, múddeli memlekettik organdar men (Ishki ister ministrligi, QR Eńbek jáne halyqty áleýmettik qorǵaý ministrligi, QR Densaýlyq saqtaý ministrligi, QR Bas prokýratýrasynyń Quqyqtyq statistika jáne arnaiy esepke alý komiteti) memlekettik emes uiymdardyń, Qazaqstan Respýblikasy Prezidentiniń janyndaǵy Áielder isteri jáne otbasylyq demografiialyq saiasat jónindegi ulttyq komissiianyń ókilderi qatysty.
QQDI ulttyq baiandamany daiyndaý kezinde elimizdiń 17 óńirinde, qalalyq jáne aýyldyq jerlerde 1200 adamdy iriktep, áleýmettanýlyq zertteý men jappai saýalnama júrgizdi.
Baiandamada otbasy saiasaty salasyndaǵy ahýalǵa taldaý jasaldy, otbasylardy memlekettik-áleýmettik qoldaý, januiadaǵy ózara qarym-qatynas jáne ata-ana bolý áleýeti, áielder men otbasy institýtynyń sybailas jemqorlyqtyń aldyn alýǵa jáne oǵan qarsy is-qimylǵa yqpaly saralandy, otbasyny qoldaý ortalyqtarynyń qyzmetine zertteý júrgizildi.
Shara «Qazaqstandyq qoǵamdyq damý institýty» KEAQ basqarma tóraǵasynyń orynbasary Ásem Qaidarovanyń moderatorlyǵymen ótti.
«Qazaqstandyq qoǵamdyq damý institýty» KEAQ Otbasy institýtyn zertteý ortalyǵynyń jetekshisi Juldyz Battalova «Qazaqstandyq otbasylar – 2022» ulttyq baiandamasynyń maqsatyn aityp, 4 taraýyna jeke-jeke toqtaldy.
«Baiandama 4 taraýdan turady, olardyń árqaisysynda birneshe kishi bólimder bar. Birinshi taraýda QR otbasy saiasatyn iske asyrýdaǵy aǵymdaǵy jaǵdaidyń taldaýy men zańnamadaǵy problemalar, memlekettik institýttardyń, sondai-aq Otbasyn qoldaý ortalyqtarynyń qyzmeti zerdelendi. Ekinshi taraýda az qamtylǵan otbasylardy memlekettik áleýmettik qoldaý máseleleri qaraldy. Úshinshi taraýda qazaqstandyq otbasylardyń ata-ana bolý áleýetin qalyptastyrý jáne balalardy tárbieleý erekshelikterine taldaý jasaldy. Sońǵy taraýda otbasy institýtynyń ózgerýi, sondai-aq otbasy saiasatyn iske asyrýdyń halyqaralyq tájiribesi, bala tárbiesindegi ákeniń róli, áielder men otbasy institýtynyń sybailas jemqorlyqtyń aldyn alýǵa jáne oǵan qarsy is-qimylǵa yqpaly zertteldi»,-dedi spiker. Onyń aitýynsha:
«Baiandamanyń maqsaty – otbasy institýty salasyndaǵy negizgi problemalar men trendterdi anyqtaý jáne Qazaqstan Respýblikasynyń otbasy saiasatyn jetildirý úshin praktikalyq usynystar ázirleý».
Kezdesýde BUUDB men QR Eńbek jáne halyqty áleýmettik qorǵaý ministrligimen kelisim sheńberinde «Múgedek adamdardyń ekonomikalyq belsendiligi úshin jaǵdailar jasaý» jobalyq keńsesiniń úilestirýshisi Quralai Jarova baiandama jasady. Spiker óz sózinde:
«Qazirgi ýaqytta múgedekterge ai saiynǵy tólemderdi taǵaiyndaý arnaiy qujattar jinaqtaýdy talap etpeidi, óitkeni barlyq qajetti derekter aqparattyq júielerde bar.
Járdemaqy alý tásilderine de ózgerister engizildi. Atap aitqanda, áleýmettik qamsyzdandyrý, biznes-protsesterin ońtailandyrý men tsifrlandyrýdyń arqasynda kóp balaly otbasylar áleýmettik tólemderdi alý úshin Halyqqa qyzmet kórsetý ortalyqtaryna barmai-aq, smartfon arqyly ótinish bere alady»,-dedi.
QR Prezidentiniń janyndaǵy Qazaqstan strategiialyq zertteýler institýtynyń saiasi zertteýler bóliminiń aǵa ǵylymi qyzmetkeri Tatiana Lipina sybailas jemqorlyqtyń aldyn alý jáne oǵan qarsy turý protsesindegi áielder men otbasy institýtynyń áseri týraly baiandady.
«Genderlik kvotalar uiymdardaǵy, memlekettik laýazymdardaǵy áielderdiń sanyn arttyrady jáne sybailas jemqorlyq deńgeiin tómendetedi. Aziianyń 38 elinen alynǵan derekterge negizdelgen empirikalyq tujyrymdar «Áielderdiń saiasi ómirge aralasýy Aziia elderindegi sybailas jemqorlyqty azaitýy múmkin» ekenin kórsetti. Qazaqstanda bul gipotezany kez-kelgen uiymǵa áiel basshy kelgenge deiingi jáne odan keiingi sybailas jemqorlyq deńgeiin ólsheý arqyly tájiribe júzinde tekserýge bolady.
«Áielderdiń saiasi quqyqtary men múmkindikterin keńeitý» indeksi boiynsha Qazaqstan 146 eldiń ishinde 103-orynda»,- dedi spiker.
Shara sońynda qatysýshylar «ashyq mikrofon» arqyly pikir almasyp, usynystaryn aitty.
