Qazaqstan mektepterinde úshinshi toqsan 19 naýryzda aiaqtalady. Osydan keiin oqýshylar 11 kúndik kóktemgi demalysqa shyǵyp, 29 naýryzǵa deiin tynyǵady. Bul týraly Oqý-aǵartý ministrligi málimdedi, dep habarlaidy Dalanews.kz.
Ministrlik dereginshe, kanikýl kezinde oqýshylardyń bos ýaqytyn paidaly ótkizý úshin «Adal azamat» tárbie baǵdarlamasy aiasynda túrli is-sharalar uiymdastyrylady. Demalystyń ár kúni Naýryznama onkúndigimen bailanystyrylyp, ulttyq dástúrler men otbasylyq qundylyqtardy nasihattaýǵa baǵyttalady.
Oqýshylar osy kezeńde «Taza Qazaqstan», «Eńbek adamy», «Zań jáne tártip» taqyryptaryndaǵy tanymdyq sharalarǵa qatysady. Sonymen qatar dástúrli «Jer saǵaty» ekologiialyq aktsiiasyna da atsalysady.
Ministrlik balalardyń qaýipsizdigine de erekshe nazar aýdarylatynyn aitty. Osyǵan bailanysty ata-analarmen birge jol qozǵalysy qaýipsizdigi, órt qaýipsizdigi jáne internettegi qaýipten saqtaný týraly túsindirý jumystary júrgiziledi.
Al tórtinshi toqsan segiz aptaǵa sozylyp, oqý jyly 25 mamyrda aiaqtalady.
