Májilis depýtaty Ashat Aimaǵambetov Nazarbaev ýniversitetiniń qazirgi saiasatyna qatysty pikir bildirdi, dep habarlaidy Dalanews.kz.
Aitýynsha, oqý orny halyqaralyq reitingterge basymdyq berip, qazaqstandyq mamandardy akademiialyq ortaǵa tartý máselesin ekinshi orynǵa qoiyp otyr.
“Jaqynda Nazarbaev Ýniversitetiniń Bilim berý mektebiniń jetistikteri týraly post jariialadym. Bul – tamasha nátije. Bul ýniversitettiń Qazaqstan úshin mańyzdylyǵyna, onyń ári qarai damýy men aýqymdy investitsiialardy qajet etetinine senimdimin. Alaida kez kelgen tabys tarihy tek jeńisterden turmaidy, sonymen qatar únsiz qalýǵa bolmaityn syn-qaterlerden de quralady. Jańa rektormen kezdesip, ózimniń baiqaǵan jaittarymdy ashyq jetkizdim”, – dedi depýtat.
Aimaǵambetovtyń sózinshe, ýniversitet tek reiting úshin jumys istei bastaǵanda, negizgi maqsattar ekinshi orynǵa ysyrylady.
“Búgingi jetistikter osydan 5–6 jyl burynǵy jumystyń jemisi, al qazirgi basshylyq tepe-teńdikti saqtaýy tiis. Qazirgi tańda ýniversitettegi Bilim berý mektebi kórsetip otyrǵan jetistikter – jyldar boiy jinaqtalǵan tájiribe men júieliliktiń, sabaqtastyqtyń nátijesi. Biraq aita keterligi, bul fakýltetti basqaratyn jalǵyz qazaqstandyq azamat – ýniversitettiń jetekshi quramyndaǵy jalǵyz jergilikti maman. Bálkim, osynyń arqasynda Bilim berý mektebi eldegi bilim berý júiesiniń erekshelikterin jaqsy túsinedi”, – dedi ol.
Aimaǵambetov Nazarbaev Ýniversitetindegi qazaqstandyq ǵalymdar men basqarýshylardyń akademiialyq ortaǵa integratsiialanýy áli de ózekti másele ekenin atap ótti.
“Ýniversitet alǵash qurylǵanda, ol sheteldik professorlar men menedjerlerdiń kómegimen damydy. Bul bastapqy kezeńde oryndy sheshim boldy. Biraq 15 jyldan astam ýaqyt ótti. Logikalyq turǵydan alǵanda, qazaqstandyq ǵalymdar men basqarýshylardyń akademiialyq ortaǵa birtindep integratsiialanýyn kútýimiz kerek edi. Ókinishke qarai, qazaqstandyq qyzmetkerler áli kúnge deiin negizinen ákimshilik bloktarda ǵana jumys isteidi. Iaǵni, olar kóbinese kómekshi personal retinde ǵana qyzmet atqarady”, – dedi májilismen.
Depýtattyń aitýynsha, Qazaqstanda álemniń jetekshi ýniversitetterinde bilim alǵan, tájiribe jinaqtaǵan joǵary deńgeili mamandar bar. Alaida olardyń Nazarbaev Ýniversitetiniń akademiialyq quramyna ený múmkindigi shekteýli bolyp otyr.
“Qazirgi ýaqytta ýniversitettegi dekandardyń ishinen tek bireýi ǵana – Qazaqstan azamaty. Provost nemese basqa fakýltet dekandary – qazaqstandyq emes. Naǵyz sapaly bilim – bul tek ádemi esepter men reitingter emes. Ýniversitettiń shynaiy kúshi men bedeli ony qalyptastyratyn adamdarǵa bailanysty”, – dedi ol.
Ashat Aimaǵambetov Nazarbaev Ýniversitetiniń qazaqstandyq bilim berý ekojúiesiniń tolyqqandy bóligine ainalýyn qoldaidy. Onyń pikirinshe, ýniversitet jergilikti ǵalymdar men basqarýshylardy belsendi túrde tartýy kerek.
“Parsy shyǵanaǵy elderiniń tájiribesine nazar aýdaryńyz. Jaqynda men The Economist basylymynan maqala jariialadym. Onda sheteldik ýniversitetterge baǵyttalǵan kópjyldyq jáne milliardtaǵan investitsiialar kútiletin nátijelerdi bermeitini aitylǵan. Sebebi júieli capacity building protsesi men jergilikti bilim berý uiymdaryna tájiribeni taratatyn mehanizmder joq”, – dedi depýtat.
Aimaǵambetovtyń pikirinshe, Nazarbaev Ýniversiteti jeke oqý orny retinde ǵana emes, qazaqstandyq ǵalymdar men basqarýshylardy daiarlaityn platformaǵa ainalýy tiis.
“Bizde joǵary bilim berý menedjmentinde jáne ǵylymda myqty mamandardyń tutas bir býyny bar. Biraq olar óz ideialaryn júzege asyratyn jáne shynaiy úles qosa alatyn keńistik tappai otyr. Bul – úlken másele. Eger ol sheshilmese, Nazarbaev Ýniversiteti mańyzdy, qajet jáne paidaly joba bolyp qala beredi, biraq eldiń jalpy bilim berý júiesine tolyqqandy áser ete almaityn, oqshaýlanǵan qurylym bolyp qala bermek”, – dep qorytyndylady Ashat Aimaǵambetov.
