مەجٸلٸس دەپۋتاتى اسحات ايماعامبەتوۆ نازارباەۆ ۋنيۆەرسيتەتٸنٸڭ قازٸرگٸ ساياساتىنا قاتىستى پٸكٸر بٸلدٸردٸ, دەپ حابارلايدى Dalanews.kz.
ايتۋىنشا, وقۋ ورنى حالىقارالىق رەيتينگتەرگە باسىمدىق بەرٸپ, قازاقستاندىق مامانداردى اكادەمييالىق ورتاعا تارتۋ مەسەلەسٸن ەكٸنشٸ ورىنعا قويىپ وتىر.
“جاقىندا نازارباەۆ ۋنيۆەرسيتەتٸنٸڭ بٸلٸم بەرۋ مەكتەبٸنٸڭ جەتٸستٸكتەرٸ تۋرالى پوست جارييالادىم. بۇل – تاماشا نەتيجە. بۇل ۋنيۆەرسيتەتتٸڭ قازاقستان ٷشٸن ماڭىزدىلىعىنا, ونىڭ ەرٸ قاراي دامۋى مەن اۋقىمدى ينۆەستيتسييالاردى قاجەت ەتەتٸنٸنە سەنٸمدٸمٸن. الايدا كەز كەلگەن تابىس تاريحى تەك جەڭٸستەردەن تۇرمايدى, سونىمەن قاتار ٷنسٸز قالۋعا بولمايتىن سىن-قاتەرلەردەن دە قۇرالادى. جاڭا رەكتورمەن كەزدەسٸپ, ٶزٸمنٸڭ بايقاعان جايتتارىمدى اشىق جەتكٸزدٸم”, – دەدٸ دەپۋتات.
ايماعامبەتوۆتىڭ سٶزٸنشە, ۋنيۆەرسيتەت تەك رەيتينگ ٷشٸن جۇمىس ٸستەي باستاعاندا, نەگٸزگٸ ماقساتتار ەكٸنشٸ ورىنعا ىسىرىلادى.
“بٷگٸنگٸ جەتٸستٸكتەر وسىدان 5–6 جىل بۇرىنعى جۇمىستىڭ جەمٸسٸ, ال قازٸرگٸ باسشىلىق تەپە-تەڭدٸكتٸ ساقتاۋى تيٸس. قازٸرگٸ تاڭدا ۋنيۆەرسيتەتتەگٸ بٸلٸم بەرۋ مەكتەبٸ كٶرسەتٸپ وتىرعان جەتٸستٸكتەر – جىلدار بويى جيناقتالعان تەجٸريبە مەن جٷيەلٸلٸكتٸڭ, ساباقتاستىقتىڭ نەتيجەسٸ. بٸراق ايتا كەتەرلٸگٸ, بۇل فاكۋلتەتتٸ باسقاراتىن جالعىز قازاقستاندىق ازامات – ۋنيۆەرسيتەتتٸڭ جەتەكشٸ قۇرامىنداعى جالعىز جەرگٸلٸكتٸ مامان. بەلكٸم, وسىنىڭ ارقاسىندا بٸلٸم بەرۋ مەكتەبٸ ەلدەگٸ بٸلٸم بەرۋ جٷيەسٸنٸڭ ەرەكشەلٸكتەرٸن جاقسى تٷسٸنەدٸ”, – دەدٸ ول.
ايماعامبەتوۆ نازارباەۆ ۋنيۆەرسيتەتٸندەگٸ قازاقستاندىق عالىمدار مەن باسقارۋشىلاردىڭ اكادەمييالىق ورتاعا ينتەگراتسييالانۋى ەلٸ دە ٶزەكتٸ مەسەلە ەكەنٸن اتاپ ٶتتٸ.
“ۋنيۆەرسيتەت العاش قۇرىلعاندا, ول شەتەلدٸك پروفەسسورلار مەن مەنەدجەرلەردٸڭ كٶمەگٸمەن دامىدى. بۇل باستاپقى كەزەڭدە ورىندى شەشٸم بولدى. بٸراق 15 جىلدان استام ۋاقىت ٶتتٸ. لوگيكالىق تۇرعىدان العاندا, قازاقستاندىق عالىمدار مەن باسقارۋشىلاردىڭ اكادەمييالىق ورتاعا بٸرتٸندەپ ينتەگراتسييالانۋىن كٷتۋٸمٸز كەرەك ەدٸ. ٶكٸنٸشكە قاراي, قازاقستاندىق قىزمەتكەرلەر ەلٸ كٷنگە دەيٸن نەگٸزٸنەن ەكٸمشٸلٸك بلوكتاردا عانا جۇمىس ٸستەيدٸ. ياعني, ولار كٶبٸنەسە كٶمەكشٸ پەرسونال رەتٸندە عانا قىزمەت اتقارادى”, – دەدٸ مەجٸلٸسمەن.
دەپۋتاتتىڭ ايتۋىنشا, قازاقستاندا ەلەمنٸڭ جەتەكشٸ ۋنيۆەرسيتەتتەرٸندە بٸلٸم العان, تەجٸريبە جيناقتاعان جوعارى دەڭگەيلٸ ماماندار بار. الايدا ولاردىڭ نازارباەۆ ۋنيۆەرسيتەتٸنٸڭ اكادەمييالىق قۇرامىنا ەنۋ مٷمكٸندٸگٸ شەكتەۋلٸ بولىپ وتىر.
“قازٸرگٸ ۋاقىتتا ۋنيۆەرسيتەتتەگٸ دەكانداردىڭ ٸشٸنەن تەك بٸرەۋٸ عانا – قازاقستان ازاماتى. پروۆوست نەمەسە باسقا فاكۋلتەت دەكاندارى – قازاقستاندىق ەمەس. ناعىز ساپالى بٸلٸم – بۇل تەك ەدەمٸ ەسەپتەر مەن رەيتينگتەر ەمەس. ۋنيۆەرسيتەتتٸڭ شىنايى كٷشٸ مەن بەدەلٸ ونى قالىپتاستىراتىن ادامدارعا بايلانىستى”, – دەدٸ ول.
اسحات ايماعامبەتوۆ نازارباەۆ ۋنيۆەرسيتەتٸنٸڭ قازاقستاندىق بٸلٸم بەرۋ ەكوجٷيەسٸنٸڭ تولىققاندى بٶلٸگٸنە اينالۋىن قولدايدى. ونىڭ پٸكٸرٸنشە, ۋنيۆەرسيتەت جەرگٸلٸكتٸ عالىمدار مەن باسقارۋشىلاردى بەلسەندٸ تٷردە تارتۋى كەرەك.
“پارسى شىعاناعى ەلدەرٸنٸڭ تەجٸريبەسٸنە نازار اۋدارىڭىز. جاقىندا مەن The Economist باسىلىمىنان ماقالا جارييالادىم. وندا شەتەلدٸك ۋنيۆەرسيتەتتەرگە باعىتتالعان كٶپجىلدىق جەنە ميللياردتاعان ينۆەستيتسييالار كٷتٸلەتٸن نەتيجەلەردٸ بەرمەيتٸنٸ ايتىلعان. سەبەبٸ جٷيەلٸ capacity building پروتسەسٸ مەن جەرگٸلٸكتٸ بٸلٸم بەرۋ ۇيىمدارىنا تەجٸريبەنٸ تاراتاتىن مەحانيزمدەر جوق”, – دەدٸ دەپۋتات.
ايماعامبەتوۆتىڭ پٸكٸرٸنشە, نازارباەۆ ۋنيۆەرسيتەتٸ جەكە وقۋ ورنى رەتٸندە عانا ەمەس, قازاقستاندىق عالىمدار مەن باسقارۋشىلاردى دايارلايتىن پلاتفورماعا اينالۋى تيٸس.
“بٸزدە جوعارى بٸلٸم بەرۋ مەنەدجمەنتٸندە جەنە عىلىمدا مىقتى مامانداردىڭ تۇتاس بٸر بۋىنى بار. بٸراق ولار ٶز يدەيالارىن جٷزەگە اسىراتىن جەنە شىنايى ٷلەس قوسا الاتىن كەڭٸستٸك تاپپاي وتىر. بۇل – ٷلكەن مەسەلە. ەگەر ول شەشٸلمەسە, نازارباەۆ ۋنيۆەرسيتەتٸ ماڭىزدى, قاجەت جەنە پايدالى جوبا بولىپ قالا بەرەدٸ, بٸراق ەلدٸڭ جالپى بٸلٸم بەرۋ جٷيەسٸنە تولىققاندى ەسەر ەتە المايتىن, وقشاۋلانعان قۇرىلىم بولىپ قالا بەرمەك”, – دەپ قورىتىندىلادى اسحات ايماعامبەتوۆ.
