2024 jylǵy 1 qarashadaǵy jaǵdai boiynsha memlekettik eńbek inspektorlary respýblikanyń 264 kásiporny 17,8 myń jumyskerge 3,9 mlrd teńgege jalaqy boiynsha bereshek ekenin anyqtady, dep habarlaidy Dalanews.kz.
Eńbek jáne halyqty áleýmettik qorǵaý ministrligi málimetinshe, túrli uiymdarda júrgizilgen tekserýler barysynda eńbek quqyǵyn buzýdyń 7,1 myńnan asa deregi anyqtaldy.
Jalaqy boiynsha bereshegi bar kásiporyndardyń basshylaryna oryndaýǵa mindetti 235 uiǵarym berildi jáne 46,5 mln teńgeden astam somaǵa aiyppul salyndy. Qabyldanǵan sharalardyń, onyń ishinde jalaqy boiynsha bereshekti óteýdiń qatań kesteleri men merzimderin belgileýdiń nátijesinde 16,5 myńnan astam qyzmetkerdiń quqyǵy qorǵaldy. Olarǵa 3,1 mlrd teńge tólendi, – delingen ministrlik habarlamasynda.
Aqparatqa sáikes, 2024 jylǵy 1 qarashadaǵy derekter boiynsha memlekettik eńbek inspektorlary 4 552 tekserý júrgizgen. Onyń barysynda 7 149 zańbuzýshylyq anyqtaldy, onyń ishinde: eńbek salasynda – 5 310; eńbek qaýipsizdigi jáne eńbekti qorǵaý boiynsha – 1 769; halyqty jumyspen qamtý boiynsha – 67.
Jumys berýshilerge 2 723 uiǵarym berilip, 338,9 mln teńgege 3 207 ákimshilik aiyppul salyndy.
Qabyldanǵan sharalardyń nátijesinde 31 myńnan asa jumysshynyń eńbek quqyǵy qorǵaldy.
