Qazaqstandyq Kambodjada eńbek quldyǵyna túse jazdaǵan,- dep habarlaidy Dalanews.kz.
Qazaqstandyq qyz Kambodja koroldigine qonaqúi ákimshisi laýazymyna jumysqa ornalasý maqsatynda ushyp barǵan. Alaida shet elge jetkennen keiin bul usynystyń artynda basqa nárse turǵany belgili boldy.
"Ol eńbek quldyǵyna túse jazdaǵan. Bul oqiǵaǵa jedel den qoiǵan Qazaqstan IIM Interpoly Kambodjadaǵy Interpoldyń Ulttyq ortalyq biýrosyna jáne Interpol Bas hatshylyǵynyń adam saýdasyna qarsy kúres tobyna resmi saýal joldady. Úilesimdi áreket pen jedel bailanys nátijesinde qyz der kezinde qutqarylyp, aman-esen elge qaitaryldy", - dep jazylǵan habarlamada.
Qazir qazaqstandyqty shetelde jumysqa ornalastyramyz dep aldap, zańsyz eńbek quldyǵyna tartýǵa árekettengen adamdar anyqtalyp jatyr.
"Olar zańda belgilengen tártippen jaýapkershilikke tartylady", - dep jazylǵan habarlamada.
Buǵan deiin Laos eline jumysqa turý maqsatymen baryp, biraq erkinen tys ustalǵan taǵy bir qazaqstandyq qyz qutqarylyp, elge qaitarylǵan.
