قازاقستاندىق كامبودجادا ەڭبەك قۇلدىعىنا تۇسە جازداعان،- دەپ حابارلايدى Dalanews.kz.
قازاقستاندىق قىز كامبودجا كورولدىگىنە ءقوناقۇي اكىمشىسى لاۋازىمىنا جۇمىسقا ورنالاسۋ ماقساتىندا ۇشىپ بارعان. الايدا شەت ەلگە جەتكەننەن كەيىن بۇل ۇسىنىستىڭ ارتىندا باسقا نارسە تۇرعانى بەلگىلى بولدى.
"ول ەڭبەك قۇلدىعىنا تۇسە جازداعان. بۇل وقيعاعا جەدەل دەن قويعان قازاقستان ءىىم ينتەرپولى كامبودجاداعى ينتەرپولدىڭ ۇلتتىق ورتالىق بيۋروسىنا جانە ينتەرپول باس حاتشىلىعىنىڭ ادام ساۋداسىنا قارسى كۇرەس توبىنا رەسمي ساۋال جولدادى. ۇيلەسىمدى ارەكەت پەن جەدەل بايلانىس ناتيجەسىندە قىز دەر كەزىندە قۇتقارىلىپ، امان-ەسەن ەلگە قايتارىلدى"، - دەپ جازىلعان حابارلامادا.
ءقازىر قازاقستاندىقتى شەتەلدە جۇمىسقا ورنالاستىرامىز دەپ الداپ، زاڭسىز ەڭبەك قۇلدىعىنا تارتۋعا ارەكەتتەنگەن ادامدار انىقتالىپ جاتىر.
"ولار زاڭدا بەلگىلەنگەن تارتىپپەن جاۋاپكەرشىلىككە تارتىلادى"، - دەپ جازىلعان حابارلامادا.
بۇعان دەيىن لاوس ەلىنە جۇمىسقا تۇرۋ ماقساتىمەن بارىپ، ءبىراق ەركىنەن تىس ۇستالعان تاعى ءبىر قازاقستاندىق قىز قۇتقارىلىپ، ەلگە قايتارىلعان.
