Qazaqstandyq jýrnalıs Andreı Chebotarev Ýkraınanyń "qara tizimine" kirdi degen aqparat taraǵan edi. Derekkózder oǵan qatysty aqparat "Mırotvores" saıtynyń bazasyna engizilgenin jazdy.
Chebotarev Dalanews.kz portalyna osy aqparatqa qatysty pikir bildirdi.
"Muny jalǵan aqparat dep sanaımyn jáne bul isti anyqtaımyn. Mende eki negizgi aqparattyq arna bar - bizdiń ortalyqtyń saıty jáne meniń telegram arnam. Ózderińiz de kóre alasyzdar. Onda Ýkraınaǵa qarsy eshteńe joq.
Men Ýkraına emes, Qazaqstan men Ortalyq Azıanyń saıası damý máseleleri boıynsha zertteýmen jáne Bul - ne jalǵan aqparat, ne arandatýshylyq. Bul jaǵdaıdy anyqtaýym kerek", - dedi ol.
Alaıda Ýkraınanyń ulttyq qaýipsizdik, beıbitshilik, azamattardyń qaýipsizdigi negizderine qarsy qylmystardy zertteý ortalyǵynyń ınternet-ókildiginde Chebotarevtiń derekteri shyǵyp tur.
Buǵan jýrnalıs "bul máselemen aınalysamyn", - dep jaýap berdi.
Buǵan deıin derekkózder Andreı Chebotarev Reseıdiń "Rıtm Evrazıı" atty propagandalyq basylymynyń shtattan tys tilshisi ekenin aıtyp, onda Qazaqstannyń ishki saıasatyna qatysty maqalalar da jarıalanatynyn jazdy. Chebotarev TMD elderi týraly tapsyryspen materıaldar jazatyny týraly da derekter bar.
"Chebotarevtiń bul tizilimge qosylýy onyń Ýkraınaǵa qarsy aqparattyq operasıalarǵa belsendi qatysýyna baılanysty bolyp otyr. Sonymen qatar, jýrnalıs Qazaqstan, Ýkraına jáne TMD-nyń basqa memleketterine qatysty aqparatty manıpýlásıalaýǵa mamandanǵan "Baraeva", "TMD kompromaty", "Vzglád na Vostok" jáne t.b. sıaqty birqatar arna arqyly jalǵan aqparat taratýmen júıeli túrde aınalysady", - dep jazylǵan kazpress.kz dereginde.
Sonymen qatar, tizimge "Rıtm Evrazıı" basylymynyń basqa qyzmetkerleri de engen degen aqparat bar. Olardyń ishinde Rýbsov Iýrıı, Namovır Ilá, Morozov Anton sekildi jýrnalıser atalady.
