Qazaqstan 2024 jyldyń 9 aiynda 471 mln dollarǵa IT-qyzmetterdi eksporttady. Bul týraly Úkimet otyrysy barysynda tsifrlyq damý, innovatsiialar jáne aeroǵarysh ónerkásibi ministri Jaslan Mádiev habarlady. Onyń aitýynsha, bul kórsetkish 2023 jyldyń sáikes kezeńimen salystyrǵanda 26%-ǵa artyq. Degenmen, 2024 jyldyń qorytyndysy boiynsha odan da joǵary sandar kútilýde, dep jazady Dalanews.kz.
Vedomstvonyń boljamy boiynsha, IT-qyzmetter eksportynyń somasy shamamen 700 mln dollardy quraýy múmkin.
Qazaqstannyń IT-eksportyn ilgeriletýde Astana Hub basty ról atqarady. Ondaǵy rezidentter sany 1,5 myń kompaniiadan asty, onyń ishinde 400-i halyqaralyq kompaniia. Olardyń jalpy kirisi 2024 jyly 620 mlrd teńgeni qurady. Bul rette eksporttan túsetin tabys – 227 mlrd teńge, iaǵni 479 mln dollar.
Astana Hub rezidentteriniń eksporttyq geografiiasy 90-nan astam eldi qamtidy. Astana Hub rezidentterinen basqa "Ulttyq aqparattyq tehnologiialar" AQ-nyń GovTech ónimderi alǵash ret eksportqa shyqty. Mundai sheshimderdiń qataryna Smart Data Ukimet, Smart Bridge jəne IRBP veb-sait qurastyrýshysy kiredi.
Buǵan deiin elimizde qurylmaq venchýrlyq qor kólemi 2025 jyldyń sońyna qarai 1 mlrd dollarǵa deiin jetkiziletini habarlanǵan.
