قازاقستان 2024 جىلدىڭ 9 ايىندا 471 ملن دوللارعا IT-قىزمەتتەردٸ ەكسپورتتادى. بۇل تۋرالى ٷكٸمەت وتىرىسى بارىسىندا تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ جاسلان مەديەۆ حابارلادى. ونىڭ ايتۋىنشا, بۇل كٶرسەتكٸش 2023 جىلدىڭ سەيكەس كەزەڭٸمەن سالىستىرعاندا 26%-عا ارتىق. دەگەنمەن, 2024 جىلدىڭ قورىتىندىسى بويىنشا ودان دا جوعارى ساندار كٷتٸلۋدە, دەپ جازادى Dalanews.kz.
ۆەدومستۆونىڭ بولجامى بويىنشا, IT-قىزمەتتەر ەكسپورتىنىڭ سوماسى شامامەن 700 ملن دوللاردى قۇراۋى مٷمكٸن.
قازاقستاننىڭ IT-ەكسپورتىن ٸلگەرٸلەتۋدە Astana Hub باستى رٶل اتقارادى. ونداعى رەزيدەنتتەر سانى 1,5 مىڭ كومپانييادان استى, ونىڭ ٸشٸندە 400-ٸ حالىقارالىق كومپانييا. ولاردىڭ جالپى كٸرٸسٸ 2024 جىلى 620 ملرد تەڭگەنٸ قۇرادى. بۇل رەتتە ەكسپورتتان تٷسەتٸن تابىس – 227 ملرد تەڭگە, ياعني 479 ملن دوللار.
Astana Hub رەزيدەنتتەرٸنٸڭ ەكسپورتتىق گەوگرافيياسى 90-نان استام ەلدٸ قامتيدى. Astana Hub رەزيدەنتتەرٸنەن باسقا "ۇلتتىق اقپاراتتىق تەحنولوگييالار" اق-نىڭ GovTech ٶنٸمدەرٸ العاش رەت ەكسپورتقا شىقتى. مۇنداي شەشٸمدەردٸڭ قاتارىنا Smart Data Ukimet, Smart Bridge جəنە يربپ ۆەب-سايت قۇراستىرۋشىسى كٸرەدٸ.
بۇعان دەيٸن ەلٸمٸزدە قۇرىلماق ۆەنچۋرلىق قور كٶلەمٸ 2025 جىلدىڭ سوڭىنا قاراي 1 ملرد دوللارعا دەيٸن جەتكٸزٸلەتٸنٸ حابارلانعان.
