Qazaqstandyq QAZAQ AIR áýekompanıasy Reseıge saparlaýdan bas tartty, dep habarlaıdy Dalanews.kz.

Áýekompanıasy bıyl 28 jeltoqsan men 2025 jylǵy 27 qańtar aralyǵynda Astana - Ekaterınbýrg baǵyty boıynsha áýe reısterin oryndaýdy ýaqytsha toqtatýǵa májbúr ekenin habarlady.

Reıster Reseıge ushý táýekelderin únemi baǵalaý nátıjeleriniń negizinde jolaýshylar men ekıpaj músheleriniń qaýipsizdigin qamtamasyz etý maqsatynda toqtatylǵan.

Áýekompanıa qazirgi ýaqytta QAZAQ AIR táýekelderin baǵalaý sharttaryna sáıkes keletin Omby men Novosibirge reısterdi oryndaýdy jalǵastyrady. Ekaterınbýrgke áýe reısterin qaıta ashý – táýekelderdi qaıta baǵalaý qorytyndylary boıynsha júzege asyrylatyn bolady.

Toqtatylǵan reısterdiń jolaýshylaryna áýebıletteriniń tolyq qunyn qaıtarý qamtamasyz etiledi jáne áýekompanıanyń balamaly reısterine tegin qaıta brondaý usynylady.