Dala Inside Kremlmen shaiqasyp jatqan Kievke kómek kórsetýdi surap Vashingtondaǵy bedeldi shendilermen kelissóz júrgizetin qor sońǵy kezderi Jańa Qazaqstanǵa shúiligetin ádet tapqan.
Aqorda pen Kievtiń arasy araz emes. Qazaq biligi Ýkrainanyń aýmaqtyq tutastyǵyna syi-qurmetpen qaraitynyn áldeneshe ret málimdegen.
Solai bola tura sońǵy ýaqta qor jetekshisi Liýdmila Kozlovskaianyń ritorikasy kúrt ózgergen. Intelligenceonline.com málimetine sai ýkrain zańgeriniń qolynda Toqaevtyń Pýtinniń "qupiia odaqtasy" ekenin dáleldeitin aiǵaqtar bar. Aqorda Kremlge sanktsiiadan ainalyp ótýge járdemdesip jatyr.
DALA INSIDE derekkóziniń aitýy boiynsha, Kozlovskaia 23 naýryzda "Toqaev pen Pýtinniń qupiiasy: munai embargosyn ainalyp ótý" degen taqyrypta kólemdi baiandama ázirlep, AQSh-tyń Ádilet ministrligine tapsyrǵan.
Amerikanyń FARA (Foreign Agents Registration Act) "shetel agentteri" týraly zańynyń algoritmi osyny talap etedi. Baiandamanyń konteksi – "Toqaev Batys pen Ýkrainany aldap soqty" degenge saiady.
Buǵan Muhtar Ábliazovtyń qandai qatysy bar? Bizdiń topshylaýymyzsha "Ashyq dialog" qoryn atyshýly qazaqstandyq oligarh qarjylandyryp otyrýy múmkin.
Mundai uiǵarym jasaýǵa birneshe logikalyq sebep bar: qordyń resmi saityndaǵy aqparat túgelge derlik Qazaqstanǵa qatysty. "Toqaevtyń Pýtinge bolysyp otyrǵanyn dáleldeitin" baiandama jasap, ony AQSh-tyń quzyrly organyna tapsyrǵan Kozlovskaia osy iske "atsalysqan" Ábliazovqa alǵys aitqan.
"Ashyq dialogtyń" Ábliazovpen affirlengenine buǵan deiin Batystaǵy birqatar táýelsiz uiymdar da nazar aýdarǵan edi.
Dalainside Kozlovskaianyń resmi Kievke qanshalyqty qatysy baryn aldaǵy ýaqytta anyqtaidy. Bilerimiz, ýkrain lobbisiniń Kolýmbiia okrýgindegi (District of Columbia) tiregi kúshti, tileýlesteri kóp.
Al Jańa Qazaqstanǵa taqym qysýǵa týra keledi: Ábliazov pen Kozlovskaia tandemi kúsh biriktirgen bolsa, Reseidiń odaqtasyna sanktsiia salý máselesi kún tártibine shyǵady. Eski Qazaqstanǵa kún bermegen oligarh Toqaevtyń "jeti jylynda" da tynysh jatqysy joq.
Ábliazov pen Kozlovskaianyń arasyndaǵy qarym-qatynastyń tamyry tereńde jatyr, ol jaily osydan birneshe jyl buryn eldegi saryjaǵal basylymdar jarysa jazǵan. DALA INSIDE buǵan qatysty daqpyrt pen qańqý sózden boiyn aýlaq ustaidy.
➡️ Dalainside Kárim Másimovtiń ýkrainalyq taǵy bir Krýpenko hanymnyń áreketin áshkere qylǵan edi. Tolyq aqparat siltemedi:\
https://t.me/dalainside/1154
https://dalanews.kz/news/88447-satqaliev-tagy-da-zhazyq-zherde-surindi
https://dalanews.kz/news/88427-masimov-kepilmen-syrtqa-shyqsa-kudeba
https://dalanews.kz/news/88407-mektepterding-qurylysy-amanat-partiiasyn
https://dalanews.kz/aimak/88394-kozboiaushylyq-emes-naqty-is-kerek-da
https://dalanews.kz/del-qazir/88386-kudebaevtyng-qashuyna-qyrgyzdyng-robi
https://dalanews.kz/del-qazir/88380-vagner-sapyna-qosyldym-qazaqstan
https://dalanews.kz/news/88370-akim-orynbasary-bilim-granty-igerude
