Dala Inside كرەملمەن شايقاسىپ جاتقان كييەۆكە كومەك كورسەتۋدى سۇراپ ۆاشينگتونداعى بەدەلدى شەندىلەرمەن كەلىسسوز جۇرگىزەتىن قور سوڭعى كەزدەرى جاڭا قازاقستانعا شۇيلىگەتىن ادەت تاپقان.
اقوردا پەن كييەۆتىڭ اراسى اراز ەمەس. قازاق بيلىگى ۋكراينانىڭ اۋماقتىق تۇتاستىعىنا سىي-قۇرمەتپەن قارايتىنىن الدەنەشە رەت مالىمدەگەن.
سولاي بولا تۇرا سوڭعى ۋاقتا قور جەتەكشىسى ليۋدميلا كوزلوۆسكايانىڭ ريتوريكاسى كۇرت وزگەرگەن. Intelligenceonline.com مالىمەتىنە ساي ۋكراين زاڭگەرىنىڭ قولىندا توقايەۆتىڭ ءپۋتيننىڭ "قۇپيا وداقتاسى" ەكەنىن دالەلدەيتىن ايعاقتار بار. اقوردا كرەملگە سانكسيادان اينالىپ وتۋگە جاردەمدەسىپ جاتىر.
DALA INSIDE دەرەككوزىنىڭ ايتۋى بويىنشا، كوزلوۆسكايا 23 ناۋرىزدا "توقايەۆ پەن ءپۋتيننىڭ قۇپياسى: مۇناي ەمبارگوسىن اينالىپ ءوتۋ" دەگەن تاقىرىپتا كولەمدى بايانداما ازىرلەپ، اقش-تىڭ ادىلەت مينيسترلىگىنە تاپسىرعان.
امەريكانىڭ FARA (Foreign Agents Registration Act) "شەتەل اگەنتتەرى" تۋرالى زاڭىنىڭ الگوريتمى وسىنى تالاپ ەتەدى. باياندامانىڭ كونتەكسى – "توقايەۆ باتىس پەن ۋكراينانى الداپ سوقتى" دەگەنگە سايادى.
بۇعان مۇحتار ءابليازوۆتىڭ قانداي قاتىسى بار؟ ءبىزدىڭ توپشىلاۋىمىزشا "اشىق ديالوگ" قورىن اتىشۋلى قازاقستاندىق وليگارح قارجىلاندىرىپ وتىرۋى مۇمكىن.
مۇنداي ۇيعارىم جاساۋعا بىرنەشە لوگيكالىق سەبەپ بار: قوردىڭ رەسمي سايتىنداعى اقپارات تۇگەلگە دەرلىك قازاقستانعا قاتىستى. "توقايەۆتىڭ پۋتينگە بولىسىپ وتىرعانىن دالەلدەيتىن" بايانداما جاساپ، ونى اقش-تىڭ قۇزىرلى ورگانىنا تاپسىرعان كوزلوۆسكايا وسى ىسكە "اتسالىسقان" ءابليازوۆقا العىس ايتقان.
"اشىق ديالوگتىڭ" ابليازوۆپەن اففيرلەنگەنىنە بۇعان دەيىن باتىستاعى ءبىرقاتار تاۋەلسىز ۇيىمدار دا نازار اۋدارعان ەدى.
Dalainside كوزلوۆسكايانىڭ رەسمي كييەۆكە قانشالىقتى قاتىسى بارىن الداعى ۋاقىتتا انىقتايدى. بىلەرىمىز، ۋكراين ءلوببيسىنىڭ كولۋمبيا وكرۋگىندەگى (District of Columbia) تىرەگى كۇشتى، تىلەۋلەستەرى كوپ.
ال جاڭا قازاقستانعا تاقىم قىسۋعا تۋرا كەلەدى: ءابليازوۆ پەن كوزلوۆسكايا تاندەمى كۇش بىرىكتىرگەن بولسا، رەسەيدىڭ وداقتاسىنا سانكسيا سالۋ ماسەلەسى كۇن تارتىبىنە شىعادى. ەسكى قازاقستانعا كۇن بەرمەگەن وليگارح توقايەۆتىڭ "جەتى جىلىندا" دا تىنىش جاتقىسى جوق.
ءابليازوۆ پەن كوزلوۆسكايانىڭ اراسىنداعى قارىم-قاتىناستىڭ تامىرى تەرەڭدە جاتىر، ول جايلى وسىدان بىرنەشە جىل بۇرىن ەلدەگى سارىجاعال باسىلىمدار جارىسا جازعان. DALA INSIDE بۇعان قاتىستى داقپىرت پەن قاڭقۋ سوزدەن بويىن اۋلاق ۇستايدى.
➡️ Dalainside كارىم ءماسىموۆتىڭ ۋكراينالىق تاعى ءبىر كرۋپەنكو حانىمنىڭ ارەكەتىن اشكەرە قىلعان ەدى. تولىق اقپارات سىلتەمەدى:\
https://t.me/dalainside/1154
https://dalanews.kz/news/88447-satqaliev-tagy-da-zhazyq-zherde-surindi
https://dalanews.kz/news/88427-masimov-kepilmen-syrtqa-shyqsa-kudeba
https://dalanews.kz/news/88407-mektepterding-qurylysy-amanat-partiiasyn
https://dalanews.kz/aimak/88394-kozboiaushylyq-emes-naqty-is-kerek-da
https://dalanews.kz/del-qazir/88386-kudebaevtyng-qashuyna-qyrgyzdyng-robi
https://dalanews.kz/del-qazir/88380-vagner-sapyna-qosyldym-qazaqstan
https://dalanews.kz/news/88370-akim-orynbasary-bilim-granty-igerude
