«Qazaqstandy gúldendirgen Elbasyǵa alǵysymyz sheksiz» – ShQO metallýrgteri
«Qazmyrysh» JShS-niń ákimshilik máseleler jónindegi atqarýshy direktory Andrei Lazarev atap ótkendei, Nursultan Nazarbaevtyń dana saiasatynyń arqasynda Qazaqstan eń beibitsúigish jáne kópultty memleketke ainaldy.
- Keńes Odaǵy quldyraǵan kezde el turǵyndary odan ári ne bolatynyn bilmei, bolashaqqa kúdikpen qarady. Qiyn kezde Nursultan Nazarbaev eldiń bolashaǵy úshin jaýapkershilik alyp, óz baǵdarlamasyn usyndy. Ustanǵan baǵytynyń ónegeligi – adamdar birden senip, qoldady. Bul árbir saiasatkerdiń qolynan kele bermeitin qasiet. Tuńǵysh Prezidentimiz elimizdi bir shańyraqtyń astynda dostyqta ómir súrýge barlyq jaǵdai jasai bildi, - deidi ol.
Osy kásiporynnyń qyzmetkeri, balqytýshysy Sabyrbek Máýletov ta Nursultan Nazarbaev týraly jyly pikirin bylai jetkizdi:
- Biz, metallýrgter, Qazaqstannyń Tuńǵysh Prezidentine erekshe qurmetpen qaraimyz, óitkeni ony óz áriptesimiz dep sanaimyz. Ol ekonomikaǵa, ásirese taý-ken metallýrgiia salasyna kóp kóńil bólýde. Osy ýaqyt aralyǵynda bizdiń óndiriste barlyq ekologiialyq jáne tehnologiialyq talaptarǵa jaýap beretin zamanaýi jabdyqtar paida boldy. Barlyq atqarǵan isi men bastamashyl saiasatyna sheksiz alǵys aitamyz, – deidi metallýrg.
