2026–2027 oqý jylynda Qazaqstandaǵy birqatar joǵary oqý oryndarynda bilim alý quny aitarlyqtai qymbat. Ashyq derekkózder men ýniversitetterdiń resmi saittaryndaǵy málimetterge sáikes, eldegi eń qymbat oqý orny – Cardiff University KZ. Munda bir jyldyq oqý aqysy 7 mln 648 myń teńge, dep habarlaidy dalanews.kz "Kýrsiv" basylymyna silteme jasap.
Ekinshi orynda Coventry University KZ ornalasqan. Bul ýniversitette bir jyl oqý úshin 7 mln 230 myń teńge tóleý qajet. Al alǵashqy úshtikti Nazarbaev Ýniversiteti túiindep tur. Munda oqý aqysy 7 mln 170 myń teńge. Odan keiin De Montfort University KZ (5 mln 975 myń teńge) men KIMEP ýniversiteti (4 mln 896 myń 900 teńge) ornalasqan.
Reitingtiń kelesi satylarynda MNU (QazGZÝ) – 3 mln 300 myń teńge, Narxoz University – shamamen 3 mln 242 myń teńge, ALMAU – 2 mln 900 myń teńge, QBTÝ – 2 mln 150 myń teńge jáne ALT University – 1 mln 900 myń teńge tur.
Memlekettik ýniversitetterdiń ishinde eń joǵary oqý aqysy L.N. Gýmilev atyndaǵy Eýraziia ulttyq ýniversitetinde tirkelgen. Munda ortasha jyldyq oqý quny 1 mln 800 myń teńge. SDU University – 1 mln 583 myń teńge, Turan ýniversiteti – 1 mln 473 myń teńge, Asfendiiarov atyndaǵy QazUMÝ – 1 mln 331 myń teńge, AÝES – 1 mln 306 myń teńge deńgeiinde.
Sondai-aq ál-Farabi atyndaǵy QazUÝ-da ortasha oqý aqysy 1 mln 217 myń teńge, Satbayev University-de – 1 mln 171 myń teńge, Júrgenov atyndaǵy óner akademiiasynda – 1 mln 158 myń teńge, Abai atyndaǵy QazUPÝ-da – 1 mln 70 myń teńge, Abylai han atyndaǵy QazHQjÁTÝ-da – 1 mln 42 myń teńge, Qazaq ulttyq qyzdar pedagogikalyq ýniversitetinde – 1 mln teńge, al Almaty tehnologiialyq ýniversitetinde 920 myń teńge shamasynda.
Aita keteiik, kórsetilgen soma – ýniversitetterdiń 2026–2027 oqý jylyna arnalǵan ortasha nemese shartty jyldyq oqý aqysy. Naqty baǵa tańdalǵan mamandyqqa, oqý baǵdarlamasyna jáne stýdenttiń oqý kýrsyna bailanysty ózgerýi múmkin.
