Sıez 7 aqpanda Astana qalasynda ótedi.
Sıez jumysyna elimizdiń barlyq aımaǵynan delegattar qatysady. Osyǵan oraı partıanyń Ortalyq apparaty óńirlik fılıaldarmen birge daıyndyq jumysyn bastady.
Búgingi tańda «AMANAT» qatarynda 800 myńǵa jýyq qazaqstandyq bar. Partıada 249 fılıal men 3956 bastaýysh partıa uıymy jumys isteıdi. Sózsiz, «AMANAT» - Qazaqstandaǵy eń iri partıa.
Partıa sezinde onyń saılaýaldy tuǵyrnamasy, ótken jyldyń jumys nátıjesi, bolashaq baǵyty baǵdarlanatyn bolady.
2022 jyly partıa modernızasıa boıynsha júıeli jumys júrgizdi. Aımaqtaǵy ákimder partıadaǵy qyzmetterin bosatty. Onyń ornyna qoǵam ókilderi keldi. Júıeli sheshimder qabyldanǵan 4 sez ótkizildi. Onyń barysynda «ADAL» partıasy «AMANAT» partıasyna qosyldy, Prezıdent saılaýyna birińǵaı kandıdat usynyldy, partıanyń saıası platformasy bekitildi.
Halyqpen keri baılanys júıesi damytyldy. Jańa partıalyq jobalardyń barlyǵy halyqtan kelip túsken usynystar boıynsha jasaldy. «Jer amanaty» respýblıkalyq jáne óńirlik komısıalary paıdalanbaıtyn 3 mıllıon gektar jerdi memleket menshigine qaıtarýǵa septigin tıgizdi.
Qazir partıa janynan Jobalyq keńse jumys isteıdi. Osy organ halyqtan túsken barlyq usynystardy jınaqtap, olardyń negizinde partıa jobalaryn ázirleýde.
