سەزد 7 اقپاندا استانا قالاسىندا وتەدى.
سەزد جۇمىسىنا ەلىمىزدىڭ بارلىق ايماعىنان دەلەگاتتار قاتىسادى. وسىعان وراي پارتيانىڭ ورتالىق اپپاراتى وڭىرلىك فيليالدارمەن بىرگە دايىندىق جۇمىسىن باستادى.
بۇگىنگى تاڭدا «AMANAT» قاتارىندا 800 مىڭعا جۋىق قازاقستاندىق بار. پارتيادا 249 فيليال مەن 3956 باستاۋىش پارتيا ۇيىمى جۇمىس ىستەيدى. ءسوزسىز، «AMANAT» - قازاقستانداعى ەڭ ءىرى پارتيا.
پارتيا سەزىندە ونىڭ سايلاۋالدى تۇعىرناماسى، وتكەن جىلدىڭ جۇمىس ناتيجەسى، بولاشاق باعىتى باعدارلاناتىن بولادى.
2022 جىلى پارتيا مودەرنيزاسيا بويىنشا جۇيەلى جۇمىس جۇرگىزدى. ايماقتاعى اكىمدەر پارتياداعى قىزمەتتەرىن بوساتتى. ونىڭ ورنىنا قوعام وكىلدەرى كەلدى. جۇيەلى شەشىمدەر قابىلدانعان 4 سەز وتكىزىلدى. ونىڭ بارىسىندا «ADAL» پارتياسى «AMANAT» پارتياسىنا قوسىلدى، پرەزيدەنت سايلاۋىنا ءبىرىڭعاي كانديدات ۇسىنىلدى، پارتيانىڭ ساياسي پلاتفورماسى بەكىتىلدى.
حالىقپەن كەرى بايلانىس جۇيەسى دامىتىلدى. جاڭا پارتيالىق جوبالاردىڭ بارلىعى حالىقتان كەلىپ تۇسكەن ۇسىنىستار بويىنشا جاسالدى. «جەر اماناتى» رەسپۋبليكالىق جانە وڭىرلىك كوميسسيالارى پايدالانبايتىن 3 ميلليون گەكتار جەردى مەملەكەت مەنشىگىنە قايتارۋعا سەپتىگىن تيگىزدى.
ءقازىر پارتيا جانىنان جوبالىق كەڭسە جۇمىس ىستەيدى. وسى ورگان حالىقتان تۇسكەن بارلىق ۇسىنىستاردى جيناقتاپ، ولاردىڭ نەگىزىندە پارتيا جوبالارىن ازىرلەۋدە.
