Jas baǵdarlamashylarǵa arnalǵan lager 10 aptaǵa sozyldy jáne joba aiasynda qatysýshylar elde buryn sońdy jasalmaǵan 100-den astam biregei veb-qosymshany ázirledi.
Osy oraida Dalanews.kz portalynyń tilshisi nFactorial mektebiniń bas mentory Aidar Nuǵmanovtan ministr Mýsinniń ózi jabylý saltanatyna qatysqan joba týraly surap bildi.
Aidar myrza, 10 aptaǵa sozylǵan jazǵy lager oidaǵydai ótti me? Alǵan áserińizben bólisseńiz.
– Inkýbator tolyǵymen oidaǵydai ótti, tipti kútkenimizden de asyp tústi. nFactorial komandasy 10 jyl boiy jinaǵan tájiribesin inkýbatorda tolyǵymen qoldandy. Osy jyldyń erekshelikteriniń biri – tájiribeshi-mentorlardyń sanynyń joǵary bolýy jáne qyzdardyń úlesiniń basymdylyǵy. Jáne de osy jylǵy baǵdarlama Chevron kompaniiasynyń demeýshiligimen joǵary deńgeide ótti.
Qatysýshylar 100-den astam jobalardy ázirlegen, jasalǵan veb-qosymshalar ári qarai iske qosylady ma?
– Qatysýshylardyń 10 apta boiy negizgi maqsaty - veb qosymshalardy jasap úirený boldy. Bizdiń gipotezamyz boiynsha ony úirenýdiń eń qysqa joly - praktikaly túrde veb qosymshaly jobalardy jasaý. Iaǵni, jasalynǵan qosymshalar bilim alý maqsatymen jasalynǵan bolatyn. Proektterdiń bolashaq taǵdyryn qatysýshylardyń ózderi sheshedi.
Jaqsy, mundai lagerler aldaǵy ýaqytta qanshalyqty jii ótkiziletin bolady?
– Inkýbatordyń jiiligi ázirshe ózgertilýsiz - jylyna 1 ret, jazǵy maýsymda ótkiziletin bolady.
Kelesi jyly lagerge qatysýshy IT mamandar sanyn kóbeitesizder me?
– Adam sany tolyǵymen ótinimderdiń sapasyna, iaǵni, úmitkerlerdiń deńgeiine bailanysty.
Jazǵy mektep óz máresine jetti, endi alǵa qoiǵan qandai josparlaryńyz bar?
– Endigi josparymyz ári qarai nFactorial School-dyń onlain kýrstar baǵytyń damytyp - 10,000 baǵdarlamashy daiyndaý maqsatyna qarai umtylý.
Taǵy bir suraq, 180 qatysýshy lagerden alǵan tájiribelerin endi qaida shyńdai alady?
– Bizdiń qatysýshylar qazirdiń ózinde ártúrli Qazaqstandyq kompaniialardan taǵylymdamadan ótýge shaqyrýlar alyp jatyr.
Osy salanyń sarapshysy retinde, elimizdiń IT-salasyn damytý úshin memleket qandai sharalardy qolǵa alýy tiis dep oilaisyz?
– Internette bar baǵdaramalaýdy úiretetin kontentti qazaq tiline túsinikti túrde aýdarý. Meniń biliýmshe dál qazir Baǵdat Mýsin basshylyǵymen Tsifrlyq damý, innovatsiialar jáne aeroǵarysh ónerkásibi ministrligi Digital Nomads initsiativty grýppasymen birge bul proektti júzege asyrýda.
Finalda eń úzdik 3 jeńimpaz óz jobalaryn usynǵan eken. Atalǵan jobalarǵa toqtalyp ketseńiz.
– Biylǵy inkýbatordyń jeńimpazy, altyn medal iegeri Baýyrjan Ábenov «Dombyra Tuner» veb-qosymshasyn ázirledi. Qosymsha jaily aityp ótsek, «Dombyra Tuner» qazaqtyń ulttyq aspaptaryn kúige keltirýge kómektesedi. Jazbany noýtbýktyń janynda oinatsańyz Baýyrjannyń kody dybysty kompiýterge túsinikti jiilikke aýystyrady.
Al kelesi qatysýshymyz kúmis medal iegeri Ádil Japar «TyperGod» web3-qosymshasyn jasap shyǵardy. «TyperGod» web3-qosymshasy - jyldam terýshilerge tokenderdi jinaýǵa jáne biregei NFT pernetaqtalaryn satyp alýǵa múmkindik beretin web3 jobasy bolyp tabylady.
Qola medal iegeri Baýyrjan Tursynbek – «ChessBet» web3-qosymshasynyń negizin qalaýshy. Eger siz shahmat oinaǵandy unatsańyz, Chess.com saitynda shahmatty utqan kezde kripto ámiianyńyzdy toltyrýǵa bolady. Iaǵni oiyn oinaý arqyly kripto jinai alasyz.
Bul atap ótken qosymshalar eń úzdigi, al qalǵan nFactorial inkýbatorynda jasalǵan barlyq qoldanbalardy myna silteme boiynsha kórýlerińizge bolady https://n17r-board.vercel.app/ .
Jáne taǵy bir qyzyǵy, joba barysynda qyzdardyń belsendiligi jigitterge qaraǵanda áldeqaida joǵary bolǵan deidi. Sol ras pa jáne ras bolsa qyzdar qandai nátije kórsetti?
– Biz belsindilikti naqty ólshegen joqpyz. Biraq qyzdardyń basym kópshiligi baǵdarlamaǵa uldarǵa qaraǵanda kóbirek jaýapkershilikpen qarap, belsindilik tanytqany ras. Baǵdarlamaǵa qatysqan 27 qyz balanyń ishinde 4-i finalǵa ótti, jáne 20-ǵa jýyǵy óz jobalaryn bitirip shyqty.
