جاس باعدارلاماشىلارعا ارنالعان لاگەر 10 اپتاعا سوزىلدى جانە جوبا اياسىندا قاتىسۋشىلار ەلدە بۇرىن سوڭدى جاسالماعان 100-دەن استام بىرەگەي ۆەب-قوسىمشانى ازىرلەدى.
وسى ورايدا Dalanews.kz پورتالىنىڭ ءتىلشىسى nFactorial مەكتەبىنىڭ باس مەنتورى ايدار نۇعمانوۆتان مينيستر ءمۋسيننىڭ ءوزى جابىلۋ سالتاناتىنا قاتىسقان جوبا تۋرالى سۇراپ ءبىلدى.
ايدار مىرزا، 10 اپتاعا سوزىلعان جازعى لاگەر ويداعىداي ءوتتى مە؟ العان اسەرىڭىزبەن بولىسسەڭىز.
– ينكۋباتور تولىعىمەن ويداعىداي ءوتتى، ءتىپتى كۇتكەنىمىزدەن دە اسىپ ءتۇستى. nFactorial كومانداسى 10 جىل بويى جيناعان تاجىريبەسىن ينكۋباتوردا تولىعىمەن قولداندى. وسى جىلدىڭ ەرەكشەلىكتەرىنىڭ ءبىرى – تاجىريبەشى-مەنتورلاردىڭ سانىنىڭ جوعارى بولۋى جانە قىزداردىڭ ۇلەسىنىڭ باسىمدىلىعى. جانە دە وسى جىلعى باعدارلاما Chevron كومپانياسىنىڭ دەمەۋشىلىگىمەن جوعارى دەڭگەيدە ءوتتى.
قاتىسۋشىلار 100-دەن استام جوبالاردى ازىرلەگەن، جاسالعان ۆەب-قوسىمشالار ءارى قاراي ىسكە قوسىلادى ما؟
– قاتىسۋشىلاردىڭ 10 اپتا بويى نەگىزگى ماقساتى - ۆەب قوسىمشالاردى جاساپ ۇيرەنۋ بولدى. ءبىزدىڭ گيپوتەزامىز بويىنشا ونى ۇيرەنۋدىڭ ەڭ قىسقا جولى - پراكتيكالى تۇردە ۆەب قوسىمشالى جوبالاردى جاساۋ. ياعني، جاسالىنعان قوسىمشالار ءبىلىم الۋ ماقساتىمەن جاسالىنعان بولاتىن. پروەكتتەردىڭ بولاشاق تاعدىرىن قاتىسۋشىلاردىڭ وزدەرى شەشەدى.
جاقسى، مۇنداي لاگەرلەر الداعى ۋاقىتتا قانشالىقتى ءجيى وتكىزىلەتىن بولادى؟
– ينكۋباتوردىڭ جيىلىگى ازىرشە وزگەرتىلۋسىز - جىلىنا 1 رەت، جازعى ماۋسىمدا وتكىزىلەتىن بولادى.
كەلەسى جىلى لاگەرگە قاتىسۋشى IT ماماندار سانىن كوبەيتەسىزدەر مە؟
– ادام سانى تولىعىمەن وتىنىمدەردىڭ ساپاسىنا، ياعني، ۇمىتكەرلەردىڭ دەڭگەيىنە بايلانىستى.
جازعى مەكتەپ ءوز مارەسىنە جەتتى، ەندى العا قويعان قانداي جوسپارلارىڭىز بار؟
– ەندىگى جوسپارىمىز ءارى قاراي nFactorial School-دىڭ ونلاين كۋرستار باعىتىڭ دامىتىپ - 10،000 باعدارلاماشى دايىنداۋ ماقساتىنا قاراي ۇمتىلۋ.
تاعى ءبىر سۇراق، 180 قاتىسۋشى لاگەردەن العان تاجىريبەلەرىن ەندى قايدا شىڭداي الادى؟
– ءبىزدىڭ قاتىسۋشىلار ءقازىردىڭ وزىندە ءارتۇرلى قازاقستاندىق كومپانيالاردان تاعىلىمدامادان وتۋگە شاقىرۋلار الىپ جاتىر.
وسى سالانىڭ ساراپشىسى رەتىندە، ەلىمىزدىڭ IT-سالاسىن دامىتۋ ءۇشىن مەملەكەت قانداي شارالاردى قولعا الۋى ءتيىس دەپ ويلايسىز؟
– ينتەرنەتتە بار باعدارامالاۋدى ۇيرەتەتىن كونتەنتتى قازاق تىلىنە تۇسىنىكتى تۇردە اۋدارۋ. مەنىڭ بىلىۋمشە ءدال ءقازىر باعدات مۋسين باسشىلىعىمەن سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى Digital Nomads ينيسياتيۆتى گرۋپپاسىمەن بىرگە بۇل پروەكتتى جۇزەگە اسىرۋدا.
فينالدا ەڭ ۇزدىك 3 جەڭىمپاز ءوز جوبالارىن ۇسىنعان ەكەن. اتالعان جوبالارعا توقتالىپ كەتسەڭىز.
– بيىلعى ينكۋباتوردىڭ جەڭىمپازى، التىن مەدال يەگەرى باۋىرجان ابەنوۆ «Dombyra Tuner» ۆەب-قوسىمشاسىن ازىرلەدى. قوسىمشا جايلى ايتىپ وتسەك، «Dombyra Tuner» قازاقتىڭ ۇلتتىق اسپاپتارىن كۇيگە كەلتىرۋگە كومەكتەسەدى. جازبانى نوۋتبۋكتىڭ جانىندا ويناتساڭىز باۋىرجاننىڭ كودى دىبىستى كومپيۋتەرگە تۇسىنىكتى جيىلىككە اۋىستىرادى.
ال كەلەسى قاتىسۋشىمىز كۇمىس مەدال يەگەرى ءادىل جاپار «TyperGod» web3-قوسىمشاسىن جاساپ شىعاردى. «TyperGod» web3-قوسىمشاسى - جىلدام تەرۋشىلەرگە توكەندەردى جيناۋعا جانە بىرەگەي NFT پەرنەتاقتالارىن ساتىپ الۋعا مۇمكىندىك بەرەتىن web3 جوباسى بولىپ تابىلادى.
قولا مەدال يەگەرى باۋىرجان تۇرسىنبەك – «ChessBet» web3-قوسىمشاسىنىڭ نەگىزىن قالاۋشى. ەگەر ءسىز شاحمات ويناعاندى ۇناتساڭىز، Chess.com سايتىندا شاحماتتى ۇتقان كەزدە كريپتو ءاميانىڭىزدى تولتىرۋعا بولادى. ياعني ويىن ويناۋ ارقىلى كريپتو جيناي الاسىز.
بۇل اتاپ وتكەن قوسىمشالار ەڭ ۇزدىگى، ال قالعان nFactorial ينكۋباتورىندا جاسالعان بارلىق قولدانبالاردى مىنا سىلتەمە بويىنشا كورۋلەرىڭىزگە بولادى https://n17r-board.vercel.app/ .
جانە تاعى ءبىر قىزىعى، جوبا بارىسىندا قىزداردىڭ بەلسەندىلىگى جىگىتتەرگە قاراعاندا الدەقايدا جوعارى بولعان دەيدى. سول راس پا جانە راس بولسا قىزدار قانداي ناتيجە كورسەتتى؟
– ءبىز بەلسىندىلىكتى ناقتى ولشەگەن جوقپىز. ءبىراق قىزداردىڭ باسىم كوپشىلىگى باعدارلاماعا ۇلدارعا قاراعاندا كوبىرەك جاۋاپكەرشىلىكپەن قاراپ، بەلسىندىلىك تانىتقانى راس. باعدارلاماعا قاتىسقان 27 قىز بالانىڭ ىشىندە 4-i فينالعا ءوتتى، جانە 20-عا جۋىعى ءوز جوبالارىن ءبىتىرىپ شىقتى.
