Viacheslav Kim qarjy naryǵyn baqylaý agenttigine Jusan Bank aktsiialarynyń 97,5 paiyzyn satyp alýǵa ótinish bergenin Kursiv.Media-ǵa rastapty. Onyń aitýynsha, qadaǵalaýshy mekeme ótinishti tekserip shyqqannan keiin sheshim qabyldaidy, dep jazady Dalanews.kz.
Ol bul kelisimniń Kaspi.kz-ke túk qatysy joq ekenin de naqtylapty.
Apta basynda Kimniń Jusan Bank-ti satyp alǵaly jatqany týraly BAQ-tarda aqparat taraǵan. Biraq ol kezde kompaniia buǵan qatysty eshqandai túsinikteme bermedi. Jalpy, Kimniń Jusan Bank-ke qyzyǵyp júrgeni týraly málimet alǵash ret 2024 jylǵy qyrkúiekte paida bolǵan. Bul týraly Bloomberg óz derekkózderine súiene otyryp habarlaǵan.
Aita ketsek,Jusan Bank - Qazaqstannyń bank salasynda altynshy orynda turǵan iri qarjy mekemesi. Onyń 2024 jylǵy taza tabysy 11,3% artyp, 156,7 mlrd teńge bolǵan. 2025 jylǵy 1 qańtardaǵy málimet boiynsha, Jusan Bank aktsiialarynyń 97,5%-y kásipker Ǵalymjan Esenovke (Ahmetjan Esimovtiń kúieýbalasy) tiesili. Onyń 19,67%-y tikelei óz menshiginde, al 77,86%-y First Heartland Securities arqyly basqarady.
Buǵan deiin saitymyzda "Kimniń seriktesi Oleg Novachýkqa 1,647 mlrd teńge divident tólenedi" degen material jariialanǵan.
