Forbes Kazakhstan basylymy elimizdiń eń baı 75 bıznesmenniń reıtıńisin jańartyp, kezekti ret jarıalady. Tizimdegi elimizdegi eń aýqatty adamdardyń baılyǵynyń baryn qosqanda 57,5 mlrd dollar bolady. Al bul, salystyrmaly túrde alsaq, Qazaqstannyń qazirgi syrtqy qaryzyna para-par soma bolady eken. Elimizdegi eń aýqatty adamnyń ortasha jasy – 55, al jekemenshik kapıtaldyń ortasha kólemi – 767 mln dollar, dep habarlaıdy Dalanews.kz.
Forbes Kazakhstan basylymynyń málimetinshe, Qazaqstandaǵy 2025 jylǵy mıllıarderlerdiń kóshbasyndaǵy 10 adam mynalar:
- Vácheslav Kım - $7,1 mlrd (Kaspi, NASDAQ, Jusan Bank).
- Tımýr Turlov - $5,8 mlrd (Freedom Holding Corp. qarjylyq ınvestısıalyq tobynyń ıesi (69,52 %). Onyń quramyna "Frıdom Fınans" AQ, Freedom Bank, Freedom Finance Insurance saqtandyrý kompanıasy,"Freedom Finance Life" KSJ, Arbuz.kz onlaın-dúkeni, Freedom Travel jáne basqalary enedi. Toptyń 18 elde ókildigi bar.
- Vladımır Kım - $5,7 mlrd (Kazakhmys, metaldar, Bank RBK).
- Tımýr Qulybaev - $5,3 mlrd (Halyk Bank, qurylys, energetıka).
- Dınara Qulybaeva - $5,3 mlrd (Halyk Bank-tyń teń qojaıyny).
- Bolat Ótemuratov - $3,7 mlrd (ForteBank, Ritz-Carlton, Rixos, Narxoz).
- Ibragımovtar otbasy - $2,06 mlrd (ERG, Italıadaǵy lúks-kýrort, "Evrazıalyq qarjy kompanıasy" AQ (Evrazıalyq bank jáne "Evrazıa" saqtandyrý kompanıasy).
- Nurlan Smaǵulov - $990 mln (avtobıznes, MEGA saýda jelisi, MyCar).
- Sársenovtar otbasy - $980 mln (Helios, sement, jyljymaıtyn múlik, Nurbank)
- Aıdyn Rahymbaev - $967 mln (BI Group, BAÁ men AQSH-taǵy qurylys)
Bıylǵy reıtıńke jańadan toǵyz kásipker qosylyp otyr. Olar:
- № 12 Andreı Lavrentev - $ 840 mln - Qarmet qojaıyny, avtorıteıl, Allur toby.
- №44 Nurlan Artyqbaev - $228 mln – qurylys salasy: Qazaq Stroy jáne Exclusive Qurylys kompanıalary, sondaı-aq Qazaqtelekomda 9,19% mólsherinde úlesi bar.
- № 45 Pavlınger otbasy - $227 mln - mashına jasaý salasy: "Railways Systems Holding" JSHS, "Prommashkomplekt" JSHS, "R. W. S. Binding" JSHS, "R. W. S. Concrete" JSHS, "Railcast Systems" JSHS jáne t. b.
- №59 Alıdar Ótemuratov - $161 mln - telekomýnıkasıa salasy: TNS+ magıstraldyq operatory, IT, DAR kompanıalar toby.
- №61 Tursenǵalı Alagózov - $130 mln - Galanz bottlers, Shymkent syra qaınatý zaýyty, "JFood Kazakhstan" JSHS (burynǵy "Sesna-Astyq" konserni).
- №65 Ershat Sálimov - $115 mln - "Rahımjan — Petroleým" JSHS, "AIFN SÝM" AQ, "Energoınvest Ltd" JSHS, T. Batýrov atyndaǵy "Jambyl GRES" AQ-da úlesi bar jáne t. b.
- № 67 Asqar Baıtasov - $110 mln – Foodtech: ABR meıramhanalar jelisi jáne ABR Tech kompanıasy.
- № 73 Serik Qonaqbaev - $93 mln - munaı jáne gaz: "SSM Oil" JSHS, "ARK Petroleum" JSHS-da úlesi bar.
- №75 Erlan Súleımenov - $ 90 mln – medısına salasy: "Olımp" jelisi, "Meditec" JSHS, "Óńirlik dıagnostıkalyq ortalyq" JSHS jáne t. b.).
Bul tizimde aldyndaǵysynda bolǵan munaı salasyn ıgerýshi Saǵat Túgelbaev, Shyńǵys Berdiǵojın jáne Tólegen Balǵymbaev joq. Sol sekildi tizimnen Hill korporasıasynyń qojaıyny Dýlat Qojamjarov, Centras Group-tyń negizin qalaýshy Eldar Ábdirazaqov, Lancaster Group-tyń egeleri Berik Qanıev pen Iýrıı Pak jáne Qulybaevtyń bıznes-seriktesi Raýshan Saǵdıeva da kórinbeıdi.
Al eks-prezıdent Nursultan Nazarbaevtyń úlken qyzy Darıǵa Nazarabaeva 571 mln dollar baılyǵymen atalǵan tizimde 17 orynǵa ornyqqan. Al onyń balasy Nuráli Álıev 289 mln dollar kapıtalymen bul tizimde 39-shy bolyp tur.
