Qazaqstanda eldegi alǵashqy atom elektr stansıasyna úzdik ataý berý boıynsha jalpy halyqtyq konkýrs aıaqtaldy, dep habarlaıdy Dalanews.kz.

Konkýrs Memleket basshysy Qasym-Jomart Toqaevtyń 2025 jylǵy 11 tamyzdaǵy bastamasyn iske asyrý maqsatynda uıymdastyrylyp, 25 qyrkúıek pen 10 qazan aralyǵynda eGov Mobile platformasynda ótti.

"Konkýrs komısıasynyń qorytyndy otyrysynyń nátıjesi boıynsha azamattardan eń kóp usynylǵan "Balqash" atom elektr stansıasy" ataýy jeńimpaz dep tanyldy. Tańdalǵan ataý atom elektr stansıalaryn geografıalyq belgi boıynsha ataý jónindegi halyqaralyq tájirıbege de sáıkes keledi", - dedi agenttik ókilderi.

Konkýrsqa 16 jastan asqan 27 157 Qazaqstan azamaty qatysqan. Ár qatysýshyda bir ǵana ataý usyný múmkindigi boldy.

"Konkýrs komısıasynyń otyrysynda eń tanymal 100 ataý qaraldy. "Balqash" atom elektr stansıasy" ataýyn 882 azamat usyndy jáne ol tanymaldyǵy boıynsha qorytyndy reıtıńte birinshi oryn alyp, konkýrs jeńimpazy atandy", - dep jazylǵan habarlamada.