قازاقستاندا ەلدەگى العاشقى اتوم ەلەكتر ستانسياسىنا ۇزدىك اتاۋ بەرۋ بويىنشا جالپى حالىقتىق كونكۋرس اياقتالدى، دەپ حابارلايدى Dalanews.kz.
كونكۋرس مەملەكەت باسشىسى قاسىم-جومارت توقايەۆتىڭ 2025 جىلعى 11 تامىزداعى باستاماسىن ىسكە اسىرۋ ماقساتىندا ۇيىمداستىرىلىپ، 25 قىركۇيەك پەن 10 قازان ارالىعىندا eGov Mobile پلاتفورماسىندا ءوتتى.
"كونكۋرس كوميسسياسىنىڭ قورىتىندى وتىرىسىنىڭ ناتيجەسى بويىنشا ازاماتتاردان ەڭ كوپ ۇسىنىلعان "بالقاش" اتوم ەلەكتر ستانسياسى" اتاۋى جەڭىمپاز دەپ تانىلدى. تاڭدالعان اتاۋ اتوم ەلەكتر ستانسيالارىن گەوگرافيالىق بەلگى بويىنشا اتاۋ جونىندەگى حالىقارالىق تاجىريبەگە دە سايكەس كەلەدى"، - دەدى اگەنتتىك وكىلدەرى.
كونكۋرسقا 16 جاستان اسقان 27 157 قازاقستان ازاماتى قاتىسقان. ءار قاتىسۋشىدا ءبىر عانا اتاۋ ۇسىنۋ مۇمكىندىگى بولدى.
"كونكۋرس كوميسسياسىنىڭ وتىرىسىندا ەڭ تانىمال 100 اتاۋ قارالدى. "بالقاش" اتوم ەلەكتر ستانسياسى" اتاۋىن 882 ازامات ۇسىندى جانە ول تانىمالدىعى بويىنشا قورىتىندى رەيتينگتە ءبىرىنشى ورىن الىپ، كونكۋرس جەڭىمپازى اتاندى"، - دەپ جازىلعان حابارلامادا.
