Atom energetikasy jónindegi agenttik ózderine kelip túsken suraqtarǵa jaýap bere otyryp, Qazaqstandaǵy bolashaq atom elektr stantsiiasynda apat bolǵan jaǵdaida "Rosatom" qandai jaýapkershilikke tartylýy múmkin ekenin de aitty, dep habarlaidy Dalanews.kz.
Agenttiktiń baspasóz qyzmeti halyqaralyq tájiribege sáikes, sonymen qatar 1963 jylǵy 21 mamyrdaǵy Iadrolyq zalal úshin azamattyq jaýapkershilik týraly Vena konventsiiasynyń erejelerine 1997 jylǵy 12 qyrkúiektegi hattamamen engizilgen túzetýlerge súiene otyryp, AES-taǵy yqtimal oqiǵalar úshin negizgi zańdy jaýapkershilik stantsiia operatoryna júkteletinin atap ótti.
"Mundai model kóptegen elde qoldanylady jáne ol zalaldy óteý tetigin ońtailandyrýǵa baǵyttalǵan. Osy jaǵynan alǵanda, halyqaralyq quqyq turǵysynan Qazaqstandaǵy atom elektr stantsiiasynyń operatory stantsiiany qaýipsiz paidalaný jáne apattardyń yqtimal saldary úshin tolyqtai jaýapty bolady. Oǵan qosa, jobany iske asyrý sheńberinde konsortsiým qatysýshylarynyń sharttyq mindettemeleriniń barlyq aspektileri, onyń ishinde saqtandyrý tetikteri, tehnikalyq kepildikter, sondai-aq bas kelisimshartta kózdelgen "Rosatomdy" qosa alǵanda, merdigerdiń yqtimal jaýapkershiliginiń sharttary pysyqtalýda", - dep naqtylady vedomstvodan.
Sondai-aq, Qazaqstan da iadrolyq qaýipsizdik jónindegi negizgi halyqaralyq kelisimderdiń qatysýshysy bolyp tabylady, bul ulttyq múddelerdi baqylaý jáne qorǵaý úshin qosymsha quqyqtyq negiz bola alady.
"Atom elektr stantsiiasynyń qaýipsiz jumysyn baqylaýdy ýákiletti memlekettik organdar ulttyq deńgeide júzege asyratyn bolady. Iadrolyq jáne radiatsiialyq qaýipsizdikti qadaǵalaýdy Qazaqstan Respýblikasy Atom energiiasy jónindegi agenttiginiń Atomdyq qadaǵalaý jáne baqylaý komiteti júzege asyratyn bolady. Ol paidalaný protsesindegi barlyq qaýipsizdik talaptarynyń saqtalýyna, litsenziialaýǵa, inspektsiia júrgizýge jaýapty. Ekologiia jáne tabiǵi resýrstar ministrligi aýaǵa bólinetin shyǵaryndylardy, qaldyqtardy óńdeýdi jáne qorshaǵan ortaǵa radiatsiialyq áserdi qamtityn ekologiialyq normativterdiń saqtalýyn baqylaityn bolady", – dedi agenttik.
Basqa memlekettik organdar da óz quzyreti sheńberinde ónerkásiptik qaýipsizdik, sý resýrstaryn qorǵaý, sanitarlyq qadaǵalaý, tótenshe jaǵdailar jáne basqa da baǵyttar boiynsha máselelerde tartylatyn bolady.
Iadrolyq qaýipsizdiktiń halyqaralyq standarttarynyń saqtalýyna Qazaqstan Respýblikasy qabyldaǵan halyqaralyq mindettemeler sheńberinde AEHA tarapynan qosymsha baqylaý júrgiziletin bolady.
