Qazaqstanda jumys berýshilerdiń qyzmetkerler aldyndaǵy jalaqy qaryzy 719 million teńgege jetken. Bul týraly Eńbek jáne halyqty áleýmettik qorǵaý ministrligi habarlady, dep habarlaidy dalanews.kz.
Vedomstvo málimetinshe, 2026 jylǵy 1 mamyrdaǵy jaǵdai boiynsha eldegi 153 kásiporynda 1,2 myńnan astam jumysshynyń jalaqysy ýaqytynda tólenbegen.
Ministrlik tekserý barysynda eńbek quqyqtaryna qatysty 2,7 myńnan astam zańbuzýshylyq anyqtalǵanyn málimdedi.
«Kásiporyn basshylaryna oryndaýǵa mindetti 1 630 nusqama berildi. Sondai-aq 187,4 million teńgeden astam somaǵa aiyppul salyndy», – dep habarlady vedomstvo.
Tekserý nátijesinde 859 qyzmetkerdiń quqyǵy qorǵalyp, olarǵa 535,8 million teńge tólengen.
Ministrlik el boiynsha 2 446 tekserý júrgizilgenin atap ótti. Onyń barysynda 2 799 zańbuzýshylyq anyqtalǵan.
Atap aitqanda:
— eńbek salasynda – 2 340;
— eńbek qaýipsizdigi jáne eńbekti qorǵaý boiynsha – 433;
— halyqty jumyspen qamtý salasynda – 26 zańbuzýshylyq tirkelgen.
Eńbek ministrliginiń málimetinshe, júrgizilgen sharalardyń nátijesinde 21,9 myń qyzmetkerdiń eńbek quqyǵy qorǵalǵan.
