Qazaqstanda zeınetaqy, búdjet salasy qyzmetkerleriniń jalaqysy, sondaı-aq,ataýly áleýmettik kómek pen turǵyn úı kómeginiń kólemi ulǵaıady. Bul týraly Senattyń Taldau Talks podkasynda QR premer-mınıstriniń orynbasary – ulttyq ekonomıka mınıstri Serik Jumanǵarın málimdedi, - dep habarlaıdy Dalanews.kz.

Podkastyń bul shyǵarylymy salyq reformasyna, QQS ósimine, sondaı-aq, onyń búdjet pen ınflásıaǵa áserine arnalǵan.

"Zań boıynsha ınflásıa deńgeıine sáıkes zeınetaqy men búdjet qyzmetkerleriniń, muǵalimder men dárigerlerdiń jalaqysyn ındeksasıalaýymyz qajet. Biz bul mindetti oryndaımyz. 20 paıyzdyq mólsherlememen bul 800 mıllıard teńge bolsa, 16 paıyzdyq mólsherlememen 500-550 mıllıard teńge bolady. Sonymen qatar, ataýly áleýmettik kómekti arttyramyz. Qazir ol 200 myń adamǵa 40-45 mıllıard teńge kóleminde. Al turǵyn úı kómegine kelsek, tarıfterdiń ósýine baılanysty ony da ulǵaıtyp, óteımiz", – dedi Jumanǵarın.

Aıta keteıik, 20 aqpanda Parlament Salyq kodeksi jobasyna túzetýlerdi qaraýǵa qabyldady.

Jańa ózgeristerge sáıkes mynadaı túzetýler engizildi:

QQS boıynsha mindetti tirkeý esebine qoıý úshin shekti 20 myń AEK-ten (78,6 mıllıon teńge) 3 800 AEK-ke (15 mıllıon teńge) deıin tómendetý;
keıbir salalar úshin 10 paıyz tómendetilgen mólsherlemeni belgileı otyryp, QQS mólsherlemesin 12 paıyzdan 16 paıyzǵa deıin ulǵaıtý.