Qazaqstanda valiýta baǵamy jazylǵan kóshedegi tablolar resmi túrde alynyp tastaldy. Endi olar tek aiyrbastaý pýnktteriniń ishinde ǵana ornalasýy tiis, dep habarlaidy Dalanews.kz.
9 qyrkúiekten bastap Ulttyq banktiń qolma-qol shetel valiýtasymen aiyrbas operatsiialaryn júzege asyrý erejelerine túzetý engizý týraly qaýlysy kúshine endi. Bul qujat 10 shildede jariialanyp, alǵashqy resmi jariialanǵan kúnnen bastap 60 kún ótken soń, iaǵni 9 qyrkúiekte qoldanysqa engizildi.
Valiýta satyp alý jáne satý baǵamdary kórsetilgen aqparattyq stend endi aiyrbastaý pýnktiniń ishinde nemese kassanyń janynda ornalasady.
Baǵamdardy syrtta (ǵimarat qasbetinde, tóbesinde, kóshedegi stendterde) kórsetýge tyiym salynady. Erekshelik tek biznes-ortalyqtarda, vokzaldarda, kazinolarda, áýejailar men shekara beketterinde ornalasqan aiyrbastaý oryndaryna qatysty.
Avtomattandyrylǵan aiyrbastaý pýnktterinde baǵamdy monitorda kórsetýge ruqsat etiledi.
Aita keteiik, Qazaqstanda valiýta baǵamy jazylǵan kóshedegi tablolarǵa tyiym salynýy múmkin ekeni naýryz aiynda-aq talqylanǵan bolatyn. Ol kezde Ulttyq bank ókilderi aiyrbastaý oryndary tablolardy qaida bolsa da ornalastyra alatynyn, olardyń jol boiynda, ǵimarat qasbetterinde, jaiaý júrginshiler ótkelderinde, tipti jol belgileriniń qasynda turǵanyn atap ótken. Mundai tablolar resmi túrde jarnama bolyp sanalmaidy.
