Qazaqstanda jańa úsh áýejaidyń qurylysy bastaldy, dep habarlaidy Dalanews.kz Kólik ministrligine silteme jasap.
«Qatonqaraǵai, Zaisan jáne Kendirli óńirleriniń de týristik áleýetin durys paidalaný qajet. Osyndai demalys aimaqtarynda sapasy joǵary jol infraqurylymy bar áýe beketteri men áýejailar salý kerek» – degen edi prezident Qasym-Jomart Toqaev.
Prezidenttiń tapsyrmasyna sáikes ishki týrizmdi jáne jolaýshylar áýe tasymalyn damytý maqsatynda 2025 jyly Zaisan, Qatonqaraǵai jáne Kendirli kýrorttyq aimaqtarynda jańa úsh áýejaidyń qurylysy bastaldy. Bul jobalardyń iske asyrylýy óńirlerdegi ekonomikanyń damýyna jańa impýls beredi, sondai-aq otandyq jáne sheteldik týrister aǵynyn arttyrýǵa jáne atalǵan jobalar jergilikti turǵyndardy qosymsha jumys oryndarymen qamtamasyz etýge septigin tigizedi.
Sonymen qatar, 2024 jyly iri habtardy damytý maqsatynda áýe kóligi infraqurylymyn jańǵyrtýaiasynda úsh jańa jolaýshylar terminaly paidalanýǵa berildi. Máselen Almaty, Shymkent jáne Qyzylorda qalalarynda jolaýshylar terminalynyń ótkizý qabileti ulǵaidy.
Almaty qalasy halyqaralyq áýejaiynyń jańa terminaly – obektiniń ótkizý qabileti jylyna 2,5 mln-nan 14 mln. jolaýshyǵa deiin ulǵaidy.
Otandyq aviakompaniialar Air Astana, SCAT, Qazaq Air, Fly Arystan Qazaqstannyń 19 qalasyna turaqty ushýdy oryndaidy. Halyqaralyq áýe qatynasyn álemniń 26 elinde 50 baǵyt boiynsha 30 sheteldik aviakompaniia oryndaidy.
Shymkent qalasy áýejaiynyń jańa terminalynyń - ótkizý qabileti jylyna 800 myńnan 6 mln. jolaýshyǵa deiin. Jańa terminal halyqaralyq áýe marshrýttarynyń sanyn 10-ǵa, reisterdi aptasyna 24-ke deiin arttyrdy. Djidda, Medina (KSA), Doha (Katar), Fýkýok (Vetnam) jáne Phýketke (Tailand) áýe qatynasy ashyldy.
Qyzylorda qalasynyń «Qorqyt Ata» halyqaralyq áýejaiynyń - ótkizý qabileti jylyna 300 myńnan 2 mln. jolaýshyǵa deiin ósti. Búgingi tańda Qyzylorda qalasynan 25 ishki reis oryndalýda.
«SKYHANSA» qazaqstan-germandyq kompaniiasymen «Qorǵas – Shyǵys qaqpasy» arnaiy ekonomikalyq aimaǵynda qýaty saǵatyna 500 adamǵa deiingi jolaýshylar terminalyn, syiymdylyǵy 550 000 tonnaǵa deiingi otyn qoimasyn, júkterdi 250 000 tonnaǵa deiin tolyq óńdeitin júk terminalyn salý, áýe kemelerine qyzmet kórsetý aviatsiialyq-tehnikalyq ortalyq qurý boiynsha joba iske asyrylýda. Sondai-aq 300-den astam turaqty jumys oryndaryn qura otyryp, halyq úshin týristik jáne saýda, oiyn-saýyq qyzmetterin damytý josparlanǵan.
Sońǵy jyldary áýe kóligi jolaýshylar úshin yńǵaily ári tartymdy bolýda. Mysaly Qazaqstanda jyl saiyn áýe tasymaly 10-15% artýda. 2024 jyly qazaqstandyq aviakompaniialar 15 millionǵa jýyq adamdy tasymaldady, áýejailar 30 million jolaýshyǵa, onyń ishinde sheteldik aviakompaniialar men azamattarǵa qyzmet kórsetti. 2024 jyly júk tasymaly kólemi - jylyna 28 myń tonnaǵa ulǵaidy.
Otandyq kompaniialardyń ushaqtar parki jyl saiyn 10-15 ushaqqa tolyqtyrylýda. Búgingi kúni áýe kemeleriniń sany - 102 ushaq.
Búgingi tańda Qazaqstannan halyqaralyq áýe qatynasy 31 elmen (Resei, Qyrǵyzstan, Ózbekstan, Tájikstan, Grýziia, Belarýs, Ázirbaijan, BAÁ, Saýd Arabiiasy, Katar, Iran, Oman, Egipet, Kýveit, Ońtústik Koreia, Qytai, Úndistan, Vetnam, Tailand, Mońǵoliia, Kambodja, Malaiziia, Maldiv araldary, Shri-Lanka, Túrkiia, Ulybritaniia, Germaniia, Italiia, Niderlandy, Polsha, Chehiia) aptasyna 582 reis jiiligimen 117 baǵyt boiynsha ornatyldy.
