Esirtki zerthanasyn uiymdastyrǵan transulttyq qylmystyq top sottaldy, - dep habarlaidy Dalanews.kz.
Aqmola oblysynyń mamandandyrylǵan sotynyń úkimimen Ereimentaý qalasynyń shetindegi jeke úide esirtki zerthanasyn uiymdastyrǵan transulttyq qylmystyq top sottaldy.
Joǵaryda atalyp ketken top keiinnen Astana aýmaǵynda satý úshin asa iri kólemde sintetikalyq esirtki óndirisin iske asyrýdy kózdegen.
Transulttyq qylmystyq toptyń quramynda Ýkraina men Moldova azamattary bolǵan.
Olardy ustaý kezinde qylmys ornynan 10 keli mefedron men 17 keliden astam prekýrsorlar, sondai-aq sintetikalyq esirtki óndirýge arnalǵan arnaiy qural-jabdyqtar tabyldy.
Qylmyskerler sintetikalyq esirtkiniqatań qupiialylyqta jasaǵan. Úi onlainrejiminde derekterdi uiymdastyrýshyǵa jiberetin beinebaqylaý júiesimenjabdyqtalǵan, al shikizat pen daiyn ónimdi saqtaý úshin garaj jalǵa alynǵan.
Qylmystyq is Ereimentaý aýdanynyń prokýratýrasymen sotqa joldaný barysynda, atalǵan tulǵalardyń áreketi transulttyq uiymdasqan top retinde saralanǵan.
Sot barysynda memlekettik aiyptaýshy sottalýshylardyń kinásin tolyq dáleldedi.
Uiymdastyrýshy 23 jylǵa, al sybailastary 22 jylǵa múlki tárkilene otyryp, bas bostandyqtarynan aiyrý túrindegi jaza taǵaiyndaldy.
Úkim zańdy kúshine endi.
